“नभुल्नु है क्रान्ति”



एक हूल मानिसहरु आए

मलाई हतियारहरू दिए
माया गरे झैँ कानमा भने
“नभुल्नु है क्रान्ति”

अर्को हूल मानिसहरु आए
तोड्न फोड्न सिकाए
स्याबासीको धाप मार्दै भने
“नभुल्नु है क्रान्ति”

स्वास्नी मानिसको हूल आए
खोसेर थुतेर खान सिकाए
क्रान्तिकारी गीत गाउदै भने
“नभुल्नु है क्रान्ति”

केटाकेटीका हूल आए
स्कूल बन्द गरी छाती तन्काए
हाहुँ दादागिरी गर्दै भने
“नभुल्नु है क्रान्ति”

सत्ताको पत्ता पल्टियो
क्रान्तिकारीहरू शासक भए
अब कुर्लेर भन्नथाले
“नभुल्नु है शान्ति”

मैले अब केवल तर्साउने
क्रान्ति जानेको छु
भत्काउने बानी परेपछि
शान्ति कसरी बुझुँ

लेखक : इन्जिनियर राकेश कार्की
लस एन्जेलस

प्रतिक्रिया दिनुहोस

Powered by Facebook Comments

janta bank janata bank Janata Bank


error: Content is protected !!