कस्ता थिए मान्छेको मासु खाने तानाशाह इदी अमिन ?



आदरणीय पाठकहरु,
तपाईहरुले नियमित रुपले माया गर्दै आएको नेपालपाटी अनलाइनले अब देखी प्रत्येक साताको शनिबार चर्चित एवम् रहस्यमयी व्यक्तित्वहरुका बारेमा छोटो परिचय पस्कन व्यक्ती परिचय स्तम्भ तयारी गरेका छौँ । यस स्तम्भमा राष्ट्रिय तथा अन्तराष्ट्रिय व्यक्तीत्वहरुका सकरात्मक तथा नकरात्मक पाटोहरुलाई केलाउने कोशिस गरेका छौँ । तपाईका अमुल्य सल्लाह र सुझाव हाम्रो मार्गदर्शन बनिरहने छन् । व्यक्ती परिचयको पहिलो खण्डमा युगाण्डाका तानाशाह इदी अमिनको परिचय समेटेका छौँ

अमिन दादा अफ्रीकाको कसाही र बेलायती साम्राज्यको बिजेता जस्ता नामले पुकारिने युगाण्डा का तानाशाह इदी अमिनको जन्म सन १९२३ र १९२५ को बीच भएको मानिन्छ । पाँच पत्नीका पती अमिन ४३  छोराछोरीका धनी थिए । मुस्लिम किसान परिवारमा जन्मिएका अमिन आठ सन्तान मध्य तेश्रो  सन्तानको रुपमा जन्मीएका थिए ।

सन १९४६ मा किग्स अफ्रीकी राइफल्सबाट काम सुरु गरेका अमिन १९४८ मा  प्रमोशन हुँदै मेजर अफ प्लाटुन कमाण्डर बन्न सफल भए । मुक्केबाजीका सौखीन अमिन १९५१ मा हेवीवेट च्यामपियन नै बन्न पुगे । क्रुर स्वाभाबका अमिनले १९६२ मा युगाण्डाको छिमेकी  जनतालाई  कुटेर मार्ने र जिउदै गाड्ने गतीबिधीले बेलायती कोर्ट मार्शल पाउँदै गर्दा ९ अक्टोबर १९६२ मा युगाण्डा नै स्वतन्त्र हुन जाँदा मुक्ती पाए ।
अमिनको क्रुरतालाई माफ दिदै प्रधानमन्त्री ओबोटले १९६४ मा कर्नेल र बायुसेनाको डिप्टी कमाण्डर बनाई दिए । राजा र प्रधानमन्त्री ओबोटको झगडाबाट फाइदा लिंदै युगाण्डाबासीको समर्थनमा ओबोटका समर्थकको कत्लेआम गर्न सुरु गर्दै  २५  जनबरी  १९७१ देखी ११ अप्रिल १९७९ सम्म  युगाण्डाको राष्ट्रपती बन्न सफल भए ।

उनको  कार्यकालमा  भारतिय कामदार (जो बेलायतीले लिएर गएका थिए) करीब ४०००० देखी ८०००० सम्मलाई तीन महिना भित्रमा देश निकाला गरी दिए । साथ साथै ओबोट समर्थक र उनका जातीको नरसंम्हार गर्दै  एक लाख मानिसलाई मार्दै नाइल नदीमा फेकी दिए । उनको क्रुरताले गर्दा बेलायतीहरुले हस्तक्षेप गर्दा १९७९ मा  भागेर  लिबिया पुगे । सन १९८० मा साउदी अरेबियामा शरण लिएका अमिनले १६ अगष्ट  २००३ मा अन्तीम सास लिदै यस धर्तीबाट बिदा लिए ।

प्रतिक्रिया दिनुहोस

NIC Asia below taja khabar
Bajaj below taja samachar
RITZ sports right side Samsung health right side Samsung health right side bottom