हजारौंको भीडमा फरक यात्रा

loading...

आइतवार, मंसिर १२, २०७३



समयको गति सवैभन्दा बलवान र प्रभावशाली हुने गर्दछ । सुचना र सञ्चारको आधुनिक युगमा समय समाजको गति बुझ्न सकेको खण्डमा धेरै विषयहरु कामयावी बन्न सक्दछन् । आमसञ्चारको विकास र विस्तार हुने क्रमसँगै छापा, विद्युतीय हुँदै अनलाइनसम्म आईपुगेको छ । आमञ्चार माध्यामले यति छिटो फड्को मार्नुमा प्रविधिमा भैरहेको आविष्कार त आफैमा महत्वपुर्ण छँदैछ, समाजको चेतनाको विकास सवैभन्दा बढी महत्वपुर्ण छ ।

पछिल्लो समय विकास भएको अनलाइनपोर्टल र पत्रिकाहरुको विकासले कुनैपनि समाचार थाहा पाउन दैनिक पत्रिका भए २४ घण्टा, घण्टा घण्टामा समाचार प्रस्तुत गर्ने रेडियो र टेलिभिजन भए कम्तीमा एक घण्टा कुर्नुपर्ने युग समाप्त भएको छ । अब कुनै विशेष प्रायोजनका लागि मात्र पत्रिका किन्नुपर्ने अवस्थामा पाठकहरु पुगेका छन् । इन्टरनेटको विकासले गर्दा देश तथा विदेशबाट हाल नेपाली भाषामा झण्डै पाँचहजारको संख्यामा अनलाइनहरु सञ्चालनमा रहेको आँकलन गरिएको छ । यती धेरै संख्यामा रहेका अनलाइनहरु मध्ये नेपालपाटी अनलाइनको उद्देश्य, लक्ष्य, मिसन र ध्येय फरक छ ।

राष्ट्रियताको सम्वद्र्धधन, आर्थिक सामाजिक रुपान्तरण, उपेक्षित र उत्पीडितहरुका आवाजलाई उच्च प्राथमिकता दिने दीर्घकालिन लक्ष्यसहित नेपालपाटी अनलाइन वि.सं. २०७० सालको भदौदेखि सञ्चालनमा आएको थियो । झण्डै यो तीनवर्षे यात्रामा हामीले आफुलाई अन्य अनलाइन र सञ्चार माध्यामहरु भन्दा फरक र विशिष्ट राख्ने प्रयास गर्यौँ । नेपालमा अनलाइन पत्रकारिताको स्वीकार्यताको दायरालाई फराकिलो बनाउन हामीले पनि त्यसमा धेरथोर योगदान गर्न पाएकोमा गौरवान्दीत बनेका छौँ ।

सुरुको केही समय हाम्रा लागि संघर्षमय बन्नपुग्यो । आवश्यक प्राविधिक, पाठकहरुद्वारा अनलाइनहरुको विश्वसनियता माथि गरिएका प्रश्नहरु, सरकारी नीति, दक्ष जनशक्ती र संस्थागत विकास हाम्रा लागि चुनौतिपूर्ण विषयहरु थिए । यी सबै प्रकारका आरोह अवरोहहरुलाई छिचोल्दै हामी नयाँ संस्करण र अवस्थामा आईपुगेका छौँ । पाठकहरुको रुची र मागलाई ध्यान दिदै हाम्रो अनलाइनको डिजाइनमा परिवर्तन गरेका छौँ । उत्पन्न भएका कतिपय प्राविधिक समस्याहरुलाई समाधान गर्ने प्रयास गरेका छौँ ।

सुरुका तीनवर्ष हामीले  संस्थागत विकासमा लगाउनु परे पनि आगामी दिनमा समयमै सत्य समाचार सम्प्रेषण गर्नुलाई आफ्नो कर्तव्य ठानेका छौँ । सत्य र तथ्य समाचार थाहा पाउनु पर्ने पाठकहरुको अधिकारलाई मध्यनजर गर्दै नयाँ अनुसन्धान मुलक तथा जनपक्षिय पत्रकारितालाई आफ्नो पहिलो मिसन बनाउने प्रतिवद्धता व्यक्त गर्दछौँ । यहाँहरुले अहिलेसम्म गर्नु भएको सहयोग र मायाका लागि विषेश आभार प्रकट गर्दै आगामी दिनमा थप साथ र सहयोगको अपेक्षा राख्दछौँ ।

385 पटक पढिएको
Loading...

प्रतिक्रिया दिनुहोस

NIC Asia below taja khabar
Bajaj below taja samachar
RITZ sports right side Below samsung cement health right side Samsung health right side Samsung health right side bottom