डेढ वर्षपछी युवा संघको विवाद मिल्यो, नेपाल समुहलाई समान जिम्मेवारी

मङ्लबार, पुस २६, २०७३

loading...


काठमाडौ । महेश बस्नेत उद्योग मन्त्री बनेपछी बल्झिएको युवा संघ नेपालको विवाद समाधान भएको छ ।

मंगलबार बसेको संघको स्थायी समिति बैठकले विवादीत जिल्लाहरु र विभागको जिम्मेवारी बाँडफाँडलाई समाधानको विन्दु बनाएको हो ।

विवादित काठमाडौ जिल्ला समितिमा माधब नेपाल समुहका अध्यक्ष रहेका नितेश पौडेललाई केन्द्रीय सदस्य तथा काठमाडौँ ईन्चार्ज बनाउने र पार्टी अध्यक्ष केपी ओली समुहबाट समानन्तर जिल्ला कमिटि चलाईरहेका पेम्बा घलेलाई काठमाडौको अध्यक्ष बनाउने निर्णय भएको छ ।

जसमा पौडेल नेतृत्वको समितिका उपाध्यक्ष महेश लामा, सचिव मोहन गौतम र कोषाध्यक्ष गौरिशंकर राणालाई यथावत राख्ने निर्णय भएको छ । मंगलबारको निर्णय अनुसार नयाँ जिल्ला कमिटिमा दुवै समुहबाट २७÷२७ जना रहनेछन् ।
यसैगरी सुनसरीमा पनि नेता नेपाल समुुहले आफ्नो पक्षमा निर्णय गराएको छ ।

जसमा नेपाल समुहका गौरिमान परियार अध्यक्ष र ओली समुहका तर्फबाट समानन्तर कमिटि बनाएका प्रह्लाद बस्नेत सचिव बन्ने भएका छन् । विवादीत पर्सामा भने स्थानीय पार्टीलाई विवाद समाधानका लागि एक महिनाको समय दिने निर्णय भएको युवा संघका सचिव नरेश शाहीले जानकारी दिए ।

यसैगरी, केन्द्रीय विभागहरुका विषयमा देखिएको विवाद पनि समाधान भएको छ । सचिव शाहीका अनुसार अब दुवै समुहले तीन÷तीन वटा विभागको नेतृत्व पाउने छन् । जसमा नेपाल समुुहले सांस्कृतिक तथा समावेशी, प्रचार र युथ फोर्स विभाग पाएको छ भने ओली समुहले आर्थिक, संगठन र राजधानी विषेश कमिटिको नेतृत्वको पाएको छ ।

विधानतः तीन वर्षभित्र गरिसक्नुपर्ने महाधिबेशन चार वर्ष पुरा भई सक्दा पनि हुन सकिरहेको छैन । महेश बस्नेतको पछिल्लो कार्यकाल यता निरु पाल र राजिव पहारी गरी दुई जनाले अध्यक्ष बन्ने मौका पाए । तर पार्टीका वरिष्ठ नेता माधव नेपाल समुुहका नेताहरुले तत्काल संघको विधान अधिवेशन सम्पन्न गरी महाधिवेशनको मिति तय गर्न माग गरेको छ ।

नेपाल समुहबाट अध्यक्षको उम्मेदवार बन्ने चर्चामा रहेका संघका सचिव शाहीले भने ‘सकेसम्म फाल्गुणभित्र विधान अधिवेशन र चैत्रभित्र अधिवेशन गर्नुपर्छ भन्नेमा हामी लागिरहेका छौँ । तर केही साथिहरुले अली ढिला गर्नुपर्ने कुरा गरिरहुनुु भएको छ । हामी आगामी बैठकमा यो कुरा जोडदार रुपमा राख्छौँ ।’

संघको केन्द्रीय कमिटिको बैठक आगामी १६देखी १८ गतेसम्म काठमाडौमा बस्ने शाहीले बताए ।

1756 पटक पढिएको
Loading...

प्रतिक्रिया दिनुहोस

NIC Asia below taja khabar
Bajaj below taja samachar
RITZ sports right side Samsung health right side Samsung health right side bottom