२० लाख पर्यटक भित्र्याउने सरकारको लक्ष्य छ :मन्त्री भट्टराई

बुधबार, साउन २९, २०७६



काठमाडौं । संस्कृति, पर्यटन तथा नागरिक उड्डयनमन्त्री योगेश भट्टराईले मुलुुकको पर्यटन विकासका लागि सरकार गम्भीर भएर लागिरहेको बताएका छन । उनले पर्यटन विकासका लागि मन्त्रालयले विभिन्न कार्यक्रम अघि सारेर काम गरिरहेको बताए ।

बिहिबार नव नियुक्तमन्त्री भट्टराईलाई बधाई दिन मन्त्रालयमा पुुगेको नेपाल व्यापार सङ्घको टोलीसँग कुरा गर्दै मन्त्री भट्टराईले भने, “सन् २०२० मा २० लाख पर्यटक भित्र्याउने सरकारको लक्ष्य छ, यसलाई पूरा गर्न मन्त्रालयले गर्नुपर्ने आवश्यक काम गरिरहेको छ ।” उनले पर्यटन क्षेत्रमार्फत मुलुुकको विकासका लागि सरकारले गम्भीर भएर काम गरिरहेको दाबी गरे ।

मुलुकको आर्थिक विकासको मेरुदण्डको रुपमा रहेको पर्यटन क्षेत्रको विकासमा मन्त्रालय लागिरहेको बताएका हुन् ।

सङ्घका अध्यक्ष कुमार कार्कीले तातोपानी र केरुङ नाकामा व्यापारीले भोग्नुुपरेको समस्याबारे मन्त्री भट्टराईको ध्यानाकर्षण गराउनुका साथै उनको सफल कार्यकालका लागि शुभकामना समेत व्यक्त गरेका थिए ।

Loading...

प्रतिक्रिया दिनुहोस

Powered by Facebook Comments

Janata Bank Janata