प्रधानन्यायाधीश कार्कीको भावी रणनीति, तरङ्ग पैदा गरेर विदा हुने

नेपालपाटी विश्लेषण

सोमवार, बैशाख २५, २०७४

loading...


सर्वोच्च अदालतको एउटा आदेशबाट प्रधानन्यायाधीश सुशीला कार्की विरुद्ध महाभियोग प्रस्ताव तत्काल असफल भयो । कार्की आइतबार सर्वोच्च अदालतमा फर्किन । आइतबार नै ब्यवस्थापिका संसदका प्रमुखका हिसावले सभामुसख ओनसरी घर्ती मगरले पत्रकार सम्मेलन गरेर भनिन संसदको क्षेत्राधिकारमा धावा बोल्न पाइदैन ।

प्रधानन्यायधीश विरुद्धको महाअभियोग राजनीति विषय बनेको छ । कार्यपालिका न्यापालीकाबीचको टकराव देखिएको बेला विचमा व्यवस्थापिका संसदमा पनि मसिएको छ । पछिल्लो लडाई दुईवटा महिला न्यायापालिका प्रमुख कार्की र ब्यवस्थापिका प्रमुख घर्तीबीचमा केन्द्रित बनाइएको छ ।

५ दिन निलम्बित बस्नुपरेका कारण आक्रोशित प्रधानन्यायाधीश कार्कीले शुक्रबारनै सांकेतिक रुपमा बालुवाटार निवासबाटै कार्यभार पुनः सम्हालेकी थिइन । उनको आइतबारको सर्वोच्च अदालत यात्रामा धेरैको नजर थियो । प्रधानमन्त्री पुष्पकमल दाहाल प्रचण्ड र कांग्रेसका सभापति शेरबहादुर देउवा थर्कमान पनि थिए । खासगरि अब कस्तो निर्णय आउला भन्नेमा ।

भ्रष्टाचार मुद्दालाई किनारा लगाउन गति बढाइरहेकी कार्कीको कदममा ब्रेक लगाउन प्रचण्ड र देउवा केही हदसम्म सफल भएका छन् । तर अब के हुन्छ ? सबैको ध्यान यसमा नै केन्द्रित भएको छ । संसदको सबैभन्दा ठूलो दल शेरबहादुर देउवाविरुद्ध अदालतको अवहेलना मुद्दा अदालतमा विचाराधीन छ । प्रहरी महानिरीक्षक नियुक्ति प्रकरण पनि सुल्झिएको छैन । न्यायाधीश चोलेन्द्रशमशेर जबराको इजलासबाट शुक्रबार जारी भएको आदेशले कार्यपालिका र ब्यवस्थापिकाको नेतृत्व रुष्ट छ ।

प्रतिपक्ष एमाले खुसी देखिएको छ । कांग्रेस र माओवादीनिकट युवाहरुले अदालतको विरुद्धमा प्रदर्शन नै गरेर अदालतको मानहानी गरिसकेका छन् । स्थानिय तहको पहिलो चरणको चुनावअघि महाअभियोगको विषयमा मौन अवधि मानिएको छ । संसद स्थगन छ दलहरुले सहमति पनि त्यही गरेका छन् । कार्कीले अब अदालतमा बसेर के गर्छिन त्यसलाई सत्तापक्षले पर्ख र हेरको रणनीति बनाएको छ । आइतबार र सोमबारका कदमले कार्की कडा रुपमा आउने देखिएको छैन । उनले आफुलाई इजलास तोकेकी छैनन ।

के बाँकी अवधिमा उनी इजलास विहीन नै बस्लिन त ? अदालतको उच्च स्रोत भन्छ उनले केही मुद्दाको फाइल अवलोकन गरिरहेकी छन्,जानुअघि भ्रष्टाचार सम्बन्धि मुद्दामा महत्वपूर्ण फैसला गर्ने तयारी छ । तर, कार्कीले बनाएको योजना अनुसार नै उनी अगाडी बढेर भ्रष्टाचारी, अदालतभित्रका भ्रष्टआचारण भएका न्यायाधीश विरुद्धको कारवाही अगाडी बढ्छ या निस्कृय रुपमा रहलिन केहीदिनका गतिविधिले संकेत गर्नेछ । स्रोतका अनुसार उनी पूर्व प्रधानन्यायाधीश कल्याण श्रेष्ठलगायत केही नजिककासँग आगामी रणनीतिका विषयमा छलफलमा छिन् ।

5960 पटक पढिएको
Loading...

प्रतिक्रिया दिनुहोस

NIC Asia below taja khabar
Bajaj below taja samachar
RITZ sports right side Janamat health right side Samsung health right side bottom Below blog adv