कविता-सरकार कहाँ छ ?

बुधबार, पुस १८, २०७५

- राकेश कार्की (लस एन्जेलस)  



सरकार जुम्रा मार्न बनेको भए

कति जुम्रा शहीद भइसक्थे

कमसल भत्किएको पिच

रोडा र ढुंगा भएर

चिप्लिएर

कोचाम कोच बसबाट गुल्टिएर

स्वर्गबास भइसक्थे

 

तर सरकार

देश विकास गर्न बनेको हो

त्यसैले त सरकार

व्यस्त छ

हरेक अफिस र मंत्रालयको

भित्तामा झुण्डिएको नामको पछाडि

“व्यस्त” लेखि नै रहेको देखिन्छ

 

सबैले “सरकार कहाँ छ ?”

भनेको सुने

पत्रपत्रिकामा लेखेको देखेँ

बोले कसैले सुन्दैनथे

त्यसैले सुन्नेमात्र बानी परेकोले

ध्यान दिएर भाषण सुनेँ

थाहा पाएँ

सोध्नु पर्ने रहेछ

 

अनि पालैपालो

मजदुरलाई सोधेँ

श्रमजीविलाई सोधेँ

दु:ख पाएका गरिबलाई सोधेँ

“सरकार कहाँ छ?”

 

जवाफ पाएँ

जुन सरले कार चढ्छन्

उनैसंग होला

 

Loading...

प्रतिक्रिया दिनुहोस

Powered by Facebook Comments

Janata Bank (Detail page 2nd) Janata Bank