भोलि उठी कहाँ जाने केही थाहा छैन…

बुवाको किरिया बसेकी १३ बर्षकी बालिकाको पीडा

बुधबार, फाल्गुन ४, २०७३

loading...


चितवन । बुवाको किरिया बस्ने कोही पनि नभएपछी चितवनको राप्ती नगरपालिका १० बस्ने एक १३ वर्षीया बालिका किरिया बसेकी छिन ।

नुवाकोटबाट काम खोज्दै चितवन पुगेका रत्नमान बिकको ५८ वर्षको उमेरमा मृत्यु भएपछी उनकी १३ वर्षकी छोरी रेखा बिक किरिया बसेकी हुन । रिक्सा चलाएर परिवार पाल्दै आएका बिकको गत आईतबार बिरामी भएर मृत्यु भएको र उनको किरिया बस्ने आफन्त कोही पनि नभएपछी छोरी रेखा किरिया बसेको निमाबी बजरहट्टीका शिक्षक गोपाल सेढाईले नेपालपाटीलाई बताए ।

नेपालपाटीसंग कुरा गर्दै रेखाले आफ्नो बुवाले रिक्सा चलाएर परिवार धान्दै आएको बताइन । उनले भनिन, ‘मेरो वुवाले दिनभरी रिक्सा चलाएर कमाएको पैसाले दाल, चामल र तरकारी आउँथ्यो । अब बुवा नै नरहेपछी छाक टार्ने बाटो समेत बन्द भयो ।’ उनले आफुहरुको घरबारी केही पनि नभएको भन्दै सहयोगका लागि आग्रह गरिन ।

रेखाको परिवारको बस्ने ठाउँ समेत नभएपछी उनी पढ्दै आएको निमाबी बजरहट्टीले विद्यालयकै छेउमा सानो छाप्रो बनाउने जमिन उपलब्ध गराएको छ । सोही स्थानमा छाप्रो बनाएर उनको परिवार घाम र पानी छल्दै आएको छ ।

सोही विद्यालयका शिक्षक गोपाल सेढाईले भने ‘यिनीहरुको बस्ने ठाउँ नै नभएपछी हाम्रो पलहमा बस्ने ठाउँ उपलब्ध गराईएको हो । अहिले न उनिहरुसंग खाने केही अन्न छ । गतिलो ओढ्ने कपडा नै । एउटा बालिका बाबुको किरिया बस्दा ओढ्ने कम्मल समेत छैन ।’
उनले गरिवीका कारण उनीहरु निकै ठुलो समस्यामा रहेको बताए ।

पढाई समेत छोड्नुपर्ने बाध्यता
रेखाकी आमा जानुकाले सामान्य मजदुरी गरेर छोराछोरी पालेकी छिन । रेखाका एक दाई छन् तर उनी कहिल्यै पनि घरमा आउँदैनन् । गरिवीकै कारण रेखाले समेत मजदुरी गर्नुपर्ने भएकोले पढाई अगाडि बढाउन कठिन रहेको शिक्षक सेढाईले बताए ।

उनले कक्षा सातमा अध्ययनरत रेखा परिवारको गरिवीकै कारण पढाई छोड्ने अवस्थामा रहेको बताए । रेखाले पनि पढ्नका लागि आफुसंग कापी कलम किन्ने पैसा नभएकोले समस्यामा रहेको जानकारी दिईन । ‘अब आमाले स्कुल नपठाउने कुरा गर्नु भएको छ । खाने कुरा नै नभएपछी अरुको घरमा काम गर्नुपर्ने भएको छ ।’

2448 पटक पढिएको
Loading...

प्रतिक्रिया दिनुहोस

bajaj dashain offer
Asia Pacific Trade Concern Janamat health right side janta bank saral flyer Below blog adv