एक पुरुष बाटोमा मृतावस्थामा फेला

आइतवार, पुस १३, २०७६



काभ्रेपलाञ्चोक । चौरीदेउराली गाउँपालिका–५ बहालटोलमा एक पुरुष बाटोमा मृतावस्थामा फेला परेको प्रहरीले जनाएको छ ।

मृतावस्थामा फेला परेको शव रुकुम सानोभेरी गाउँपालिका–८ घर भई हाल चौरीदेउरालीमा ज्यामी काम गर्दै आएका ४८ वर्षीय प्रवीर ओली रहेको जिल्ला प्रहरी कार्यालय काभ्रेपलाञ्चोकका प्रहरी नायब उपरीक्षक दीपक गिरीले जानकारी दिए ।

उनले शुक्रबार राति अत्यधिक मात्रमा मादक पदार्थ सेवन गरेको भन्ने बुझिएको र चिसोका कारण मृत्यु भएको हुनसक्ने प्रहरीले जनाएको छ । शव बाटोमा उत्तानो अवस्थामा फेला परेको थियो ।

सो वडाका वडाध्यक्ष राजकुमार गौतमले गत मंसिर १५÷१६ गतेबाट रुकुम सानोभेरी गाउँपालिकाबाट करीब ११÷१२ जनाको समूह कामको सिलसिलामा चौरीदेउरालीको विभिन्न ठाउँमा भूकम्प पुनःनिर्माणको काममा ज्यामी काम गर्दै आइरहेको पाइएको बताए ।

Loading...

प्रतिक्रिया दिनुहोस

Powered by Facebook Comments