‟ प्रतिशोध विरुद्धको जवाफ ” 

कविता

शनिबार, कार्तिक ११, २०७४

- प्रकाश आचार्य



क्रोध, रिस, इर्ष्या अहिलेसम्म साँचीरहेकै छ्यौ

वर्षदिन पनि पुग्यो, हैन र ?
हो, मबाट गल्ती भएकै थियो त्यसबेला ,
माफी पनि उतिखेरै मागेको थिए,
आज भेटियौ अचानक तिमि,
थाहा पाउँदै छु , अझै प्रतिशोध हटाएकी रैनछ्यौ

पात झरेर उजाड बनेका त्यसबेलाका
बिरुवाहरु पनि आज त पक्कै
हरिया भएका होलान् ,
भर्खर मुना पलाउँदै गरेका फूलहरु
पनि फक्रीएर खुश्बु छरीरहेका होलान् ,
अन्धकार थियो गाउँ, बिजुली-बत्ति
पुगेको थिएन उसबेला, आजसम्म पक्कै
सिंगो गाउँ झलमल्ल भैसक्यो होला,
पुराना काँचुली पिंठयूमा बोकेर
घिंस्रीदैगरेका त्यस बखत्का सर्पहरुले
पक्कै नवीन काँचुली फेरेर
घिंस्रीदै होलान् जमिनमा;

यी त कुनै निर्जीव, कुनै सजीव,
सजीवमा पनि रत्तिभर सर्वश्रेष्ठता
नभएका वस्तुहरु रहे ;परिवर्तित भएका छन् ,
सकारात्मक तवरले,
परन्तु; तिमि,
यसै तवरले परिवर्तित रहन सकिरहेकी छैनौ ;

धरणीले अनुभूति गरिरहेकी छिन्,
समय बितिरहंदा, तिमि
प्रतिशोधको आगो बनि दन्किरहेकी छ्यौ
आवेगको भुइँचालो बनि आइरहेकी छ्यौ
निरन्तर-निरन्तर ,

विन्ती छ; आजैदेखि,
संवेदनाको शितल छहारी बनिदेउ,
सहानुभूतिको उज्यालो जून बनिदेउ

673 पटक पढिएको
Loading...

प्रतिक्रिया दिनुहोस

Powered by Facebook Comments

janta bank janata bank(nari) Janata Bank