किन जान्छौ विदेश

कविता

शनिबार, साउन २१, २०७४

loading...

- राकेश कार्की



यही छ पहाड यही छ मधेश

वीर नेपाली किन जान्छौ विदेश
यही छ हिमाल यही छ बेसी
हे देशभक्त किन हुन्छौ विदेशी

जीवन आखिरमा हो दुई दिन
नतिरिकन आमाको दुधको ऋण
छोडेर जन्मे हुर्केको प्यारो देश
त्यागेर पहिचान फेरेर भेष
अर्काको देशमा पसिना चुहाउन
दुस्ख र एक्लोपनले मन रूवाउन
जवानीलाई बुढ्याइ फुलाउन केश
प्यारा सन्तान किन जान्छौ विदेश

नेपाल हाम्रो घर नेपाली परिवार
जात(जाति संस्कृति सभ्य संस्कार
बुद्ध र सीता जन्मेको पवित्र भूमि
विर्सेर स्वाभिमान पैसालाई चुमी
नढाँटी भन, छ त मनमा सन्तोष
देशबाट दूर कति हो कति कोस
जाँगर जोश उतै मारी खै र ऐश
आफन्त छोडि किन जान्छौ विदेश

438 पटक पढिएको
Loading...

प्रतिक्रिया दिनुहोस

Powered by Facebook Comments

janta bank janata bank