बङ्गुरपालन व्यवसायले परिवारमा खुसी ल्यायो

आइतवार, मंसिर १९, २०७३

loading...


पाल्पा, १९ मङ्सिर । विदेशमा श्रमको मूल्य नपाउँदाको पीडा कस्तो होला ? ऋण खोजेर कतार पुगेका पाल्पा चाँपपानी गाविस– ५, चुनडाँडाका कोशल गाहाले व्यहोर्नु परेको घटना हो ।

कतारमा पैसा कमाएर ल्याउने आस गरेका गाहाले घरमा फर्कने बेला एक महिनाको तलब पाएनन् । तलब नपाएपछि कम्पनीका सबै साथीसँग मिलेर आन्दोलन गर्दा उनी प्रहरी नियन्त्रणमा तीन दिनसम्म बस्नुपर्यो ।

विदेशमा भएको दुःख र कष्टले घर फर्किन बाध्य गरायो र पाल्पा आएपछि केही बङ्गुरका पाठी किनेर व्यावसायिक बङ्गुरपालनले बिस्तारै गाहाको दिनचार्यामा परिवर्तन आउन थालेको हो ।

ऋण खोजेर परदेशिएकालाई तलब नपाउँदाको पीडा कम हुँदैन । त्यही पीडा सम्झेर बङ्गुरपालन गर्न थालेका उनी अहिले जिल्लाकै बङ्गुरपालन गर्ने नमुना किसान हुन । फार्ममा बङ्गुरका पाठापाठी बाह्रौमहिना खेलिरहदाँ गाहालाई रमाइलो लाग्छ । पीडाले पाठ सिकाएपछि बङ्गुरपालन गर्न थालेसँगै भएको आम्दानीले परिवारमा पनि खुसी ल्याएको उनले बताए ।

यस भेगमा बङ्गुर बिरामी भएमा गाहालाई सोध्न आउँछन् । बङ्गुरले दानापानी खाएन, दिसापिसाब भएन, मुखभरि र्याल निकाल्यो, अब के गर्ने भन्दै उनको घरमा गाउँलेको फोन आइरहन्छ ।

गाहाले टेलिफोनबाट नै सबै प्रकारका समस्या समाधान पनि गर्दै आएका छन् । तिनलाई औषधिमुलो गर्ने मात्र होइन बङ्गुरले बच्चा पाउन सकेन भने शल्यक्रिया गरी बच्चा निकाल्न पनि पशुचिकित्सकको साहायता उनलाई चाहिदैन ।

सामान्य लेखपढन गरे पनि गाहामा बङ्गुर सम्बन्धी राम्रो ज्ञान छ । घरमा भएको पाँच सातवटा बङ्गुरको माउ, पाठी र एउटा भाले बङ्गुरले नै गाहाको परिवारमा खुसी ल्याएको हो ।

मासिक सरदर सातसय रियलका लागि कतारमा विद्युत् वाइरिङको काम गर्न झन्डै दुई वर्ष परदेशिएका उनी फर्केपछि वार्षिक पाँच सात लाखसम्म आम्दानी गर्न सफल भए ।

एक बेतमा एउटा बङ्गुरले १५ वटासम्म पाठापाठी पाउँछ । पाठापाठी उत्पादन गरी बेच्ने नै गाहाको प्रमुख व्यवसाय हो । एउटा पाठापाठी तीन हजार ५०० देखि चार हजारमा घरबाटै बिक्री हुन्छ । फर्मबाट उत्पादित बङ्गुरका पाठापाठी जिल्ला बाहिर रुपन्देही, कपिलबस्तु, अर्घाखाँची र नवलपरासीमा पनि निर्यात हुँदै आएको छ ।

664 पटक पढिएको
Loading...

प्रतिक्रिया दिनुहोस

NIC Asia below taja khabar
Bajaj below taja samachar
RITZ sports right side Janamat health right side Samsung health right side bottom Below blog adv