नेपालमा ३० लाख भन्दा बढीलाई मधुमेह

बुधबार, कार्तिक २८, २०७५



काठमाडौं  । नेपालमा कुल जनसंख्याको १० प्रतिशत मानिस मधुमेहबाट पीडित रहेको अनुमान गरिएको छ । हरेक परिवारका कुनै न कुनै सदस्य मधुमेहबाट पीडित हुने गरेकाले यो वर्ष विश्व मधुमेह दिवसको नारा ‘मधुमेह : हरेक परिवारको सरोकार’ भन्ने राखिएको छ । प्रत्येक वर्ष नोभेम्बर १४ लाई मधुमेह दिवसका रूपमा मनाइन्छ ।
मधुमेह भएका परिवारले एउटै किसिमको खाना खानुपर्ने तथा जटिल हँुदै गएको मधुमेहलाई रोक्न परिवारसँंग गाँसेर विश्व मधुमेह दिवस मनाउन लागिएको हो ।

madhumeha
वरिष्ठ मधुमेह रोग विशेषज्ञ डा. ज्योति भट्टराईले नेपालमा मधुमेहको खास तथ्याङ्क नभएपनि विश्व स्वास्थ्य संगठनको आँकडा अनुसार १० प्रतिशत मानिसलाई मधुमेह रहेको आँकलन गरिएको जानकारी दिए । डा. भट्टराईले मधुमेह नेपालमा मात्र नभएर संसारभरि नै प्रकोपको रूपमा अगाडि बढिरहेको भन्दै यसलाई नियन्त्रण गर्न जनचेतना जगाउनुपर्ने बताए ।

विश्व स्वास्थ्य संगठनका अनुसार विश्वमा १७ करोड १० लाख मानिसमा मधुमेह देखिएको छ । मधुमेह रोग वंशाणुगत रुपमा लाग्ने भन्दै डा. भट्टराईले मधुमेह भएका बाबुआमाका छोराछोरीलाई पनि हुनसक्ने बताए  ।

अन्तर्राष्ट्रिय मधुमेह संघका अनुसार संसारभर ४२ करोड ५० लाख मानिस मधुमेहबाट ग्रसित रहेका छन् भने ३५ करोड २० लाख मानिस मधुमेहको जोखिममा छन् । आधा मधुमेहका विरामीलाई आपूmलाई मधुमेह भएकै थाहा नहुने भन्दै डा. भट्टराईले मधुमेहको जोखिम बढेसँगै यसको दीर्घकालीन असर प्रत्येक परिवारमा देखिने बताए

मधुमेहका लक्षण
– धेरै प्यास लाग्ने, मुख सुख्खा हुने, थकाई लाग्ने, पिसाब छिनछिनमा लागिरहने, तौल घट्दै जानु मधुमेहका मुख्य लक्षण
– छिनछिनमा पिसाब लागेसँगै पिसाब गरेको ठाउँमा कमिला झुम्मिनु
– धेरै भोक तथा प्यास लाग्नु
– विना कारण तौल घट्दै जानु वा थकाई धेरै लाग्नु
– घाउखटिरा सजिलै ठिक नहुनु वा सङ्क्रमण भई घाउ पाक्नु
– हातखुट्टा झमझमाउनु, पैताला पोल्नु तथा जीउ चिलाउनु
– दीर्घकालिन अवस्थामा मिर्गौला, आँखा, स्नायु, मुटु, रक्तनलिमा असर पर्नु
– अनियन्त्रित मधुमेह भएमा हड्डी खिइने, मुखको कुनाकुना सुन्निने, घाउखटिराको सङ्क्रमण हुने

145 पटक पढिएको
Loading...

प्रतिक्रिया दिनुहोस

Powered by Facebook Comments

janta bank (Detail page 1st) Janata Bank (Detail page 2nd) Janata Bank