अध्यक्ष ओलीलाई प्रधानमन्त्री बनाउने एमालेको निर्णय

बुधबार, फाल्गुन २, २०७४



काठमाडौँ । नेकपा एमालेका स्थायी समिति बैठकले पार्टी अध्यक्ष केपी ओलीलाई प्रधानमन्त्रीको उम्मेदवार बनाउने निर्णय गरेको छ । बुधबार दिउँसो ललितपुरको मानभवनस्थित एक माओवादी नेताको घरमा बसेको स्थायी समितिको आकस्मिक बैठकले ओलीलाई प्रधानमन्त्रीको उम्मेदवार बनाउने निर्णय गरेको हो । आकस्मिक बैठकले पार्टी अध्यक्षलाई प्रधानमन्त्रीकाे उम्मेदवार बनाउने निर्णय गरेको स्थायी समिति सदस्य सुरेन्द्र पाण्डले जानकारी दिए ।

बैठकमा ओलीले माओवादी र एमालेबीचको एकताका विषयमा माओवादी अध्यक्ष पुष्पकमल दाहाल ‘प्रचण्ड’सँग भएको छलफलको जानकारी गराएका थिए। ओलीले पार्टी एकताका विषयमा भएका छलफलमाथि सुझावसमेत मागेका थिए ।

बैठकमा अध्यक्ष ओलीले आलोपालो सरकारको नेतृत्व गर्ने विषयमा भएको समझदारीबारे जानकारी गराएको पाण्डेले जानकारी दिए। ओली र प्रचण्डबीच फेरि एक्लाएक्लै वार्ता हुनेछ भने त्यसपछि एकता संयोजन समितिको बैठक बस्नेछ । पार्टी एकतापछि ‘संयुक्त नेतृत्व प्रणाली’ मा जाने करिब सहमति नजिक एमाले-माओवादी पुगेका छन् ।अध्यक्ष वा सहअध्यक्ष कुन प्रणाली अपनाउने भन्ने विषय बुधबार बस्ने एकता संयोजन समितिको बैठकले टुंगो लगाइनेछ । एमालेको स्थायी कमिटी बैठक चलिरहँदा माओवादी केन्द्रको हेडक्वार्टर बैठक बसेको थियो।

308 पटक पढिएको
Loading...

प्रतिक्रिया दिनुहोस

Powered by Facebook Comments

janta bank (Detail page 1st) Janata Bank (Detail page 2nd) Janata Bank