प्रधानमन्त्री ओली ढोरपाटनको अवलोकन गर्दै

शुक्रबार, चैत्र ३०, २०७४



काठमाडौं । प्रधानमन्त्री केपी शर्मा ओली बागलुङको ढोरपाटन शिकार आरक्षक्षेत्रको अवलोकन गर्न त्यहाँ पुगेका छन् । ढोरपाटनको अवलोकन पछि प्रधानमन्त्री ओली आजै कर्णाली जाने भएका छन् । उनी दिउँसो ४ बजे बस्ने कर्णाली प्रदेशको मन्त्रिपरिषद्को बैठकमा सहभागी हुने भएका हुन् ।

प्रधानमन्त्रीको प्रमुख आतिथ्यमा बस्ने बैठकमा चीनसँगको नाका खुलाउने र कर्णाली प्रदेशको योजनाका विषयमा छलफल गर्ने तयारी छ । कर्णाली प्रदेशले आयोजना गरेको रारा पर्यटन वर्षको प्रधानमन्त्री ओलीले भोलि उद्घाटन गर्ने भएका छन् ।

प्रधानमन्त्री ओलीले कर्णालीमा एक बालिकालाई विद्यालय भर्ना गर्ने तयारी गरेका छन् । देशबाट निरक्षरता उन्मूलनको लागि सबै जनप्रतिनिधिले जस्तै आफूले पनि एक बालिकालाई विद्यालय लगेर नाम लेखाउने प्रधानमन्त्रीले यसअघि नै घोषणा गरेका थिए । ।

129 पटक पढिएको
Loading...

प्रतिक्रिया दिनुहोस

Powered by Facebook Comments

janta bank janata bank(nari) Janata Bank