टेस्ट, एकदिवसीय र टी–२० को नम्बर एक खेलाडी बन्दै विराट कोहली !

बुधबार, मंसिर २९, २०७३

loading...


काठमाडौं । इङ्ल्यान्डविरूद्ध दोहोरो सतक बनाएपछि भारतीय कप्तान विराट कोहलीको उत्कृष्ट खेलाडीको र्‍याङ्किङमा ठूलो सुधार आएको छ। उनी टेस्ट ब्याट्सम्यानको श्रेणीमा दोस्रो स्थानमा उक्लिएका छन्, जुन उनको करिअरको उत्कृष्ट र्‍याङ्किङ हो ।

उनीभन्दा एक स्थानमाथि अस्ट्रेलियाका कप्तान स्टिभ स्मिथ छन्। उनी ११ अंकले विराटभन्दा माथि छन् । मुम्बईको चौथो टेस्टमा २ सय ३५ रन बनाएपछि विराटलाई ५३ अंक प्राप्त भएको थियो । जसका कारण उनको रेटिङ अंक ८ सय ८६ पुगेको छ । उनी क्रिकेटको तीन वटै विधामा विश्वको नम्बर एक ब्याट्सम्यान बन्न केही अंकले मात्र पछाडि छन्। विराट एकदिवसीय र टी–२० को नम्बर एक ब्याट्सम्यान हुन् ।

आइसिसीले खेलाडी र टिमको विषयमा हालै जारी गरेको नयाँ र्‍याङ्किङ अनुसार टेस्टको नम्बर एक बलमा भारतका रविचन्द्रन अश्विन छन्। दोस्रो स्थानमा श्रीलंकाका रंगना हेराथ छन्। उत्कृष्ट टेस्ट टिममा भारत छ। इङ्ल्यान्ड दोस्रो नम्बरमा छ ।

574 पटक पढिएको
Loading...

प्रतिक्रिया दिनुहोस

Powered by Facebook Comments

janta bank janata bank