पहिलो पटक रुकुमका पत्रकारहरुको मृगौला परिक्षण

शनिबार, पुस १६, २०७३

- धनवीर दाहाल



रुकुम । प्रत्येक नेपालीको मृगौला परिक्षण गर्ने स्वास्थ्य मन्त्रालयको देशव्यापी अभियानलाई प्रचार प्रसार गर्ने तथा पत्रकारहरुलाई स्वस्थ राख्ने उद्धेश्यले  रुकुमका पत्रकारहरुको मृगौला परिक्षण गरिएको छ ।

जिल्ला अस्पताल सल्ले रुकुमको सहयोग तथा प्रेस युनियन रुकुमको आयोजनामा गरिएको निशुल्क मृगौला परिक्षण कार्यक्रममा जिल्लामा क्रियाशिल ४९ जना पत्रकार र अन्य सात जना सर्ब साधारण गरि शुक्रबार ५६ जनाको मृगौला परिक्षण गरिएको प्रेस युनियन रुकुमका कार्यबाहक अध्यक्ष आदर्श केसीले जानकारी दिए ।

मृगौला परिक्षण कार्यक्रमको उद्घाटनमा बोल्दै  जिल्ला स्वास्थ्य कार्यालय रुकुमका प्रमुख डाक्ट राजेन्द्र जिसीले चाँडै पत्रकारहरुको झै रुकुमेली  नागरिकहरुको पनि निशुल्क मृगौला परिक्षण गरिने बताए । उनले अव स्थानिय स्तरमै यहाँका नागरिकहरुको निशुल्क मृगौला परिक्षण गरिने बताए । रुकुमका प्राय सबै पत्रकारहरुको मृगौलामा कुनै खरावी नभएपनि चार जनाको सामान्य समस्या देखिएपनि जिल्लामा उपचार हुने अस्पतालले जानकारी दिएको छ ।

यसअघि नै स्वास्थ्य मन्त्री गगनकुमार थापाले स्थानीयस्तरमै निःशुल्क मिर्गौला परीक्षणको व्यवस्था गरिएकाले तत्काल मृर्गौला परीक्षण गर्न सबैलाई आग्रह  गरि सक्नु भएको छ । स्वास्थ्य मन्त्रालयले मृर्गाैला परीक्षणका लागि प्रयोग हुने ‘डिपिस्टिक किट’ सबै जिल्लामा पठाइ सकिएकाले त्यसको उपयोग गर्न सबैलाई  आग्रह समेत गरेको छ ।

स्वास्थ्य मन्त्रालय अन्तर्गत, आपूर्ति व्यवस्थापन महाशाखाले गत कात्तिकको दोस्रो साता नै देशभरि पहिलो चरणमा २० लाख जनाको मृर्गाैला परीक्षण गर्न पुग्ने गरी किट पठाइसकेको छ । आवश्यकतानुसार अरु पनि किट पठाउन सकिने महाशाखाको भनाइ छ ।

255 पटक पढिएको

प्रतिक्रिया दिनुहोस

NIC Asia below taja khabar
Bajaj below taja samachar
RITZ sports right side Samsung right sport adv cement health right side Samsung health right side DDC health right  adv