सभापति ज्वालाको अर्थमन्त्रीलाई ठाडो प्रश्न ‘सुन तस्कारीमा संधै किन भरिया मात्र समातिन्छन् ?’

मङ्लबार, पुस २६, २०७३



काठमाडौ । संसदको अर्थ समितिका सभापति प्रकाश ज्वालाले सुन तस्करीमा संधै भरिया मात्र किन समातिन्छन् भन्दै अर्थ मन्त्री कृष्णबहादुर महरालाई ठाडो प्रश्न गरेका छन् ।

समितिको आज बिहान बसेको बैठकमा सभापति ज्वालाले सुुन तस्करी राष्ट्रिय लज्जाको विषय भएको भन्दै मन्त्री महरालाई प्रश्न गरे ‘ सुन तस्करीमा संधै भरिया मात्र समातिन्छन्, मालिक कहाँ जान्छ ?’

उनले त्रिभुवन अन्तराष्ट्रि विमानस्थल र विभिन्न नाकाबाट ठूलो परिमाणमा भइरहेको सुन तस्करीप्रति कडा आपत्ती समेत जनाए ।

सभापति ज्वालाले पछिल्लो समय बढेको सुन तस्करी राष्ट्रिय लज्जाको विषय भएको बताए । उनले बैठकको सुरुमै भने, ‘हाकाहाकी सुन तस्करी कसरी भो ? यो राष्ट्रिय लज्जाको विषय हो ।’

उपप्रधान तथा अर्थमन्त्री महरा, नेपाल प्रहरीका आईजीपी उपेन्द्रकान्त अर्याल पनि उपस्थित बैठकमा सभापति ज्वालाले संधै भरिया मात्र समातेर उम्कन नमिल्ने बताए ।

बैठकमा सांसदहरुले उठाएका प्रश्नको जवाफ दिदै मन्त्री महराले सुन तस्करी राष्ट्रिय लज्जाको विषय भएको बताए । उनले तस्करीमा ठूलै संगठित गिरोह लागिपरेको भन्दै यसको सञ्जाल थुप्रै ठाउँमा रहेको पनि दाबी गरे ।

गत विहीबार अन्तराष्ट्रि विमानस्थलबाट बाहिरिएको ३३ किलो सुन केन्द्रीय अनुसन्धान ब्यूरोले पक्रेको थियो । विमानस्थलको सुन तस्करी प्रकरण छानबिन गर्न भन्सार विभागले पाँच सदस्यीय समिति बनाइसकेको छ ।

नेपालमा उच्च राजनीतिक तथा प्रशासनिक तहमै रहेका व्यक्तीहरुको संलग्नतामा सुन तस्करी बढेको समितिको बैठकमा बोल्ने सांसदहरुले आरोप लगाएका थिए ।

2592 पटक पढिएको

प्रतिक्रिया दिनुहोस

NIC Asia below taja khabar
Bajaj below taja samachar
RITZ sports right side cement health right side Samsung health right side DDC health right  adv