अमेरिकाले लगायो इरानमाथि नयाँ प्रतिबन्ध, प्रमुख नेता खमेनी निशानामा

मङ्लबार, असार १०, २०७६



एजेन्सी । संयुक्त राज्य अमेरिकाले दक्षिण पश्चिमी एसियाली मुलुक इरानमाथि नयाँ प्रतिबन्ध लगाएको छ । अमेरिकी राष्ट्रपति डोनाल्ड ट्रम्पले तिबन्ध लगाइएको घोषणा गरेका छन् । प्रतिबन्धको निशानामा इरानका प्रमुख नेता आयातुल्लाह अलि खमेनीलाई पनि पारिएको बीबीसीले जनाएको छ ।

ट्रम्पले भनेका छन्, नयाँ प्रतिबन्ध अमेरिकी ड्रोनमा आक्रमण गरेका लगायतका कारण लगाइएको हो । नयाँ प्रतिबन्धको आदेश जारी गरेपछि ट्रम्पले ह्वाइटहाउसमा भने, ‘इरानका सर्वोच्च नेता नै उनको सरकारबाट भएका सबै कामको जिम्मेवार छन् । उनलाई उनको देशमा धेरै सम्मान दिइन्छ । उनीअन्तर्गत सबैभन्दा खतरनाक चिजहरु हुन्छन्, जसमा इस्लामिक रिभोलुस्नरी गार्डस्का सेना पनि छ । यी प्रतिबन्धपछि इरानका सर्वोच्च नेता र उनीसँग सम्बन्धित व्यक्तिहरु सबै प्रकारको वित्तीय सहयोगबाट बन्चित हुनेछन् ।’

यसैबीच इरानले अमेरिकाले लगाएको प्रतिबन्धलाई युद्धलाई निम्तो दिने अर्को एक कदम भनेर टिप्पणी गरेको छ । इरानका विदेशमन्त्री जावेद जरीफले ट्वीट गरेर प्रतिबन्धलाई अमेरिकाको घृणित कूटनीति भनेका छन् । उनले लेखेका छन्- ‘ट्रम्प प्रशासन युद्धको प्यासी छ ।’

इरान र अमेरिकाबीच तनावको श्रृंखला

इरान र अमेरिकाबीच केही हप्तायता लगातार तनाब बढ्दै गएको छ । अमेरिकाले इरानमा हटाइएका सबै प्रतिबन्धलाई सन् २०१८ को मे महिनाबाट फेरि लागू गरेको थियो । सन् २०१५ मा इरानसँग परमाणु सम्झौता भएपछि प्रतिबन्ध हटाइएको थियो ।

अमेरिका र इरानको सम्बन्धमा फाटो तब आउन थाल्यो जब अमेरिकाले गत वर्ष एकतर्फी रुपमा सम्झौताबाट अलग भएको घोषणा गर्यो । त्यसको केही समयपछि इरान पनि सम्झौताबाट आंशिक रुपमा अलग भयो ।

अमेरिका र इरानबीच टकराव जारी रहेकै बेला खाडीमा रहेका साउदीका तेल ट्यांकरमा हमला भए । हमलाको दोष अमेरिकाले इरानमाथि लगाउँदै आएको छ । इरानले भने यो आरोपको खण्डन गर्यो  । साथै इरानले २७ जूनदेखि आफ्ना परमाणु कार्यक्रमलाई अन्तर्राष्ट्रिय मापदण्डभन्दा पनि बढाउने घोषणा गर्‍यो ।

त्यसको केही दिनपछि अमेरिकाको एक ड्रोनलाई इरानले आकाशबाट खसालिदियो । इरानले आफ्नो सिमानाभित्र छिरेकाले उक्त ड्रोनलाई खसालेको बताएको छ । तर, अमेरिकाले भने उक्त ड्रोन अन्तर्राष्ट्रिय समुद्री सीमानामै रहेको बेला इरानले खसालेको बताउँदै आएको छ ।

Loading...

प्रतिक्रिया दिनुहोस

Powered by Facebook Comments

Janata Bank Janata