उपत्यकाको तिनै शहरमा आज परम्परागत घोडेजात्रा पर्व मनाइँदै

शुक्रबार, चैत्र २२, २०७५



काठमाडौँ । आज घोडे जात्रा ।  आज काठमाडौँ उपत्यकाको तिनै शहरमा परम्परागत घोडेजात्रा पर्व मनाइँदैछ । काठमाडौको टुँडिखेलमा मृत आत्मा रहेको र यसलाई घोटाको टापले कुल्चेर धपाउन सकिन्छ भन्ने मान्यतामा हरेक चैत कृष्ण औँशीका दिन घोडे जात्रा मनाईन्छ ।

जनविश्वासअनुसार टुँडिखेलको पूर्व–दक्षिण दिशामा रहेको एउटा रूखमा बास गर्ने गुरुमापा भन्ने राक्षसले शहरका बालबालिकालाई खाने गरेकाले पीडित स्थानीयवासीले विभिन्न उपायले त्यसलाई संहार गरे पनि उसको प्रेतात्मा फेरि जागा भई बालबालिकालाई अनिष्ट गर्नसक्ने भय तिनमा रहिरह्यो । यसै कारण प्रत्येक वर्ष चैत्र कृष्ण औँसीका दिन घोडेजात्रा गरी गुरुमापाको आत्मालाई घोडाको टापले कुल्चाएर दबाउने गरिएको हो ।

साथै शहरका कुनै पनि बालबालिकामाथि खतरा नहोस् भनी आजै राति त्यही रूखको फेदमा गुरुमापालाई खानेकुरा पनि दिइन्छ ।

नेपाली सेनाका तर्फबाट आजै टुँडिखेलमा अश्वकला, मोटरसाइकल खेल, शारीरिक व्यायाम, युद्धकलालगायतको प्रदर्शन गरिन्छ । आजकै दिन ललितपुरमा पनि एउटा कानो घोडा दौडाएर घोडेजात्रा मनाउने परम्परा छ । यो घोडालाई तलेजुको वहानका रुपमा लिईन्छ । घोडे जात्राका अवसरमा भक्तपुरमा पनि विशेष कार्यक्रम गरिन्छ ।

 

Loading...

प्रतिक्रिया दिनुहोस

Powered by Facebook Comments

Janata Bank (Detail page 2nd) Janata Bank