नेपाली र डच भाषी कविहरूको संयुक्त कविता संग्रह ‘फ्रित नेपाल’

बिहिबार, कार्तिक १५, २०७५

- विमल गिरी



बेल्जीयम । अन्तर्राष्ट्रिय नेपाली साहित्य समाज (अनेसास) बेल्जियम च्याप्टरले सन् २००७ देखि आफ्नो नाम अनुसारको काम गर्ने संस्थाकोरुपमा आफ्नो पहिचान कायम गरेको छ ।

साहित्य समाजले प्रत्येक बर्ष देवकोटा जयन्ती, भानु जयन्ती, मोती जयन्ती मनाउँदै आएको छ । नियमित जस्तो साहित्यिक कार्यक्रमहरु, कृतिकारको सम्मानका कार्यक्रमहरु, आफ्नै शैली र सोचमा निरन्तर रुपमा साहित्यिक कार्यक्रम गर्दै आएको साहित्य समाजले जनाएको छ । भूमण्डलीकरण र आप्रवासले संसारभरि नेपालीहरूको बाक्लो(पातालो उपस्थिति छ । त्यसले गर्दा नेपाली भाषा(साहित्य पनि विश्वभरि फैलिएको छ ।

डायस्पोरिक नेपाली साहित्यको पृष्ठभूमि परदेशी भूमि बेल्जियमबाट अस्तित्व र पीडा मिश्रित अभिव्यक्तिहरूलाई कविता, कथा, उपन्यास र नियात्रा जस्ता अनेक साहित्य विधाहरू मार्फत प्रस्तुत गर्ने प्रवृत्ति स्वरूप डायस्पोरिक नेपाली साहित्यले जीवन्तता पाउँदै आएको छ ।

डा. गोविन्दराज भट्टराईका अनुसार डायस्पोराको सम्बन्ध अभिघातसँग हुन्छ भय, चिन्ता,अपरिचितता र अन्त्यमा भयङ्कर असुरक्षा चेतनाले ढाकेर त्यसैले डायस्पोरिक साहित्य यताबाट फुक्लिनुको, उता नजोडिनुको नियति भोगिरहनेहरुको भोगाई र भावनाबाट जन्मने बताएका छन् ।

अन्तराष्टिय नेपाली साहित्य समाज बेल्जियम च्याप्टर र द हिमालयन सोसाइटी सेन्त्रोदेन बेल्जियमको पहलमा नेपाली कला संस्कृती साहित्य र गीत सङ्गितलाई अन्तराष्ट्रिय स्तरमा चिनाउन विशुद्ध भावनाले सामाजिक विकासका लागि बेल्जियम नागरिकहरुको निस्वार्थ भावनाको अन्तर आत्माबाट कदर गरेका छन् ।

नेपाली र डच भाषी कविहरूको संयुक्त कविता संग्रह ‘फ्रित नेपाल’ बेल्जीयममा प्रकाशित भएको छ । डच र बेल्जीयममा बसोबास भएका १० नेपाली कवि र बेल्जीयमका नेदरल्याण्डस् भाषी १० कविहरु गरी जम्मा २० कविताहरु डच, नेपाली र अँग्रेजी तीन भाषामा छन् । नेपाली कवितालाई अङ्रेजीमा उल्था गरेर ठुलो गुण लगाउन सफल रहेका कवि विधान आचार्य धन्यबादका पात्र बन्न सफल भएका छन् ।

पुस्तकमा नेपाली कविहरू कृष्ण बजगाइं, विमल गिरी, दीपेन्द्र के. सी., राजकुमार पुडासैनी, जे. बी. शेर्पा, दीपकज्योति पौडेल, राधाकृष्ण अधिकारी, सन्जु बजगाइं, रूक्मिणी अमात्य र पंचम अधिकारीका कविता संग्रहित छन् । त्यस्तै बेल्जीयन कविहरूमा हर्मान रोह्यार्ट, सिरियल ग्ल्याडिनेस, एन् भान डिस्सेल, लिबे देभिएर, लुक भान डेबोर्ट, मार्क मीकर्स, क्याट्रिएन फ्रडेरिक्स, मार्टिन क्याररेट, लोट्टे डोन्डियोन र क्यारेल सेर्गेनले बिभिन्न सामाजिक, राजनीतिक, आर्थिक एवम् वैयक्तिक अनुभूति र भोगाइजन्य सन्दर्भहरू अथवा बिभिन्न क्षेत्रमा देखिएका विकृति विसङ्गतिहरूको चिरफार गरेका छन् ।

पुस्तक सार्वजनिक कार्यक्रममा बोल्दै बेल्जीयमका लागि तत्कालिन नेपालका राजदूत प्रमेशकुमार हमालले नेपाली र बेल्जीयन कविहरुको सहकार्यमा प्रकाशित यो साहित्यिक कृति यस प्रकृतिको पहिलो र दुइ देशको संबन्धमा कोशेढुङ्गा भएको बताए ।

हरेक जनवरीको अन्तिम विहीवार बेल्जीयममा ‘कविता दिवस’ का रूपमा मनाइन्छ । सोही अवसरमा गत जनवरी २६ गते विहीवार ‘फ्रीत नेपाल’ कविता संग्रह सार्वजनिक भएको हो । संगीत, नृत्य र कविता वाचन गरी कलात्मक प्रस्तुतिका साथ पुस्तक सार्वजनिक कार्यक्रम गरिएको थियो । जसमा बेल्जीयन र नेपाली कलाकार, गायक र कविहरू सहभागी थिए ।
द हिमालयन सोसाईटी बेल्जीयम र अन्तर्राष्ट्रिय नेपाली साहित्य समाज, बेल्जियम च्याप्टरको संयुक्त आयोजना र सेन्त्रुदेन नगरपालिका एवं सेन्त्रुदेन कला एकेडेमीसँगको सहकार्यमा पुस्तक प्रकाशन भएको हो ।
सेन्त्रुदेन नगरपालिकाका मेयर लुदवीग भान्देनोभले पुस्तक प्रकाशन दुर्इ संस्कृतिको असाधारण पुल बनेको विचार ब्यक्त गरे । डायास्पोरामा बसेका नेपालीहरूको महत्वपूर्ण उपलब्धी बनेको ‘फ्रीत नेपाल’ को प्रकाशनपछि पनि नयाँ योजना थालिने द हिमालयन सोसाइटीका अध्यक्ष राजेन्द्र रसाइलीले जानकारी दिए ।

डायस्पोरिक जीवन भोगाइका विविध आयामहरूकै परिणति स्वरूप समय सान्दर्भिक विषय वस्तुहरूको गम्भीरतालाई समेत संयोजन गरी नेपालीहरूलाई विश्व परिवेशसँग परिचित तुल्याउन सफल कार्यक्रम प्रसम्सायोग्य थियो र भविष्यमा नेपाली भाषा साहित्यको लागि परदेशबाट पनि नेपाली भाषा साहित्य मार्फत ठूल्ठूला कार्य हुनेछन् भन्ने आशा गर्न सकिन्छ ।

डायस्पोरिक नेपाली साहित्यको पृष्ठभूमि परदेशी भूमि बेल्जियमबाट अस्तित्व र पीडा मिश्रित अभिव्यक्तिहरूलाई कविता, कथा, उपन्यास र नियात्रा जस्ता अनेक साहित्यिक विधाहरू मार्फत प्रस्तुत गर्ने प्रवृत्ति स्वरूप डायस्पोरिक नेपाली साहित्यले जीवन्तता पाउँदै आएको छ ।

143 पटक पढिएको
Loading...

प्रतिक्रिया दिनुहोस

Powered by Facebook Comments

janta bank Janata Bank Janata Bank