को बन्ला फिफा वर्ष खेलाडी ?

loading...

सोमवार, पुस २५, २०७३



जुरिच ।  फुटबलको नियामक निकाय फिफाले आज वर्ष खेलाडीको घोषणा गर्दैछ । सोमबार जुरिचमा हुने समारोहमा एथ्लेटिको म्याड्रिडका एन्टोनी ग्रिजमान, रियल म्याड्रिडका क्रिस्टियानो रोनाल्डो र बार्सिलोनाका लियोनेल मेस्सी पुनः एक पटक आमने सामने छन् ।

गत महिना बालोन डि’ओर अवार्डमा मेस्सी र ग्रिमानलाई पछि पार्दै रोनाल्डोले चौँथो पटक उपाधिमाथि कब्जा जमाएका थिए ।

गत वर्ष फ्रान्स फुटबलसँग ६ वर्ष लामो सहकार्य तोड्दै फिफाले आफै पुरस्कार वितरण गर्ने बताएको थियो । त्यही भएर वर्षका उत्कृष्ट खेलाडीलाई ‘फिफा बालोन डि’ओर’ भनेर एकै पटक दिइने पुरस्कार यस वर्षदेखि फरक–फरक गरी दुई पटक दिइनेछ ।

यस वर्षको फिफा वर्ष खेलाडीको उपाधिमा पनि रोनाल्डोले कब्जा जमाउने अनुमान गरिएको छ ।

त्यस्तै, आजको समारोहमा वर्षको उत्कृष्ट महिला फुटबल खेलाडी, प्रशिक्षकलाई पनि पुरस्कृत गरिनेछ ।

उत्कृष्ट प्रशिक्षकको होडमा लेस्टरलाई प्रिमियर लिगको उपाधि दिलाएका क्लाउडियो रानिएरी, पोर्चुगललाई युरो कपको उपाधि दिलाएका फर्नान्डो सान्तोष र रियललाई च्याम्पियन्स लिगको उपाधि दिलाएका जिनेदिन जिदान रहेका छन् ।

राष्ट्रिय टोलीका कप्तान, प्रशिक्षक र केही खेल पत्रकारहरुले विजेताको लागि मतदान गरेका छन् । यस वर्षदेखि पहिलो पटक अनलाइन भोटिङको पनि व्यवस्था गरिएको छ ।
हरेक श्रेणीबाट २५ प्रतिशत अंक जोडिनेछ ।

त्यस्तै, आजको समारोहमा वर्षको उत्कृष्ट गोललाई पुस्कास अवार्ड तथा उत्कृष्ट फ्यानको अवार्ड पनि दिइनेछ ।

587 पटक पढिएको
Loading...

प्रतिक्रिया दिनुहोस

NIC Asia below taja khabar
Bajaj below taja samachar
RITZ sports right side Below samsung cement health right side Samsung health right side Samsung health right side bottom