भरतपुर महानगरपालिकाको मतगणना अझै सुचारु भएन

शुक्रबार, जेष्ठ ५, २०७४

loading...


चितवन । मतगणनामा तलमाथि गरिएको आरोप लगाउँदै कांग्रेस, माओवादी केन्द्र र राप्रपाका कार्यकर्ताले मत गणनास्थल बाहिर नाराबाजी गरेपछि भरतपुरमा मतगणना स्थगित भएको छ ।भरतपुर महानगरपालिकाको मतगणना अझै सुरु हुन सकेको छैन । निर्वाचन अधिकृतले नै मतगणनामा धाँधली गरेको आरोप लगाउँदै कांग्रेस, माओवादी केन्द्र र राप्रपाले बहिस्कार गरेपछि मतगणना स्थगित भएको हो ।
गणना पुनः सुचार गर्न सहमति खोज्ने भन्दै गरिएको बैठकमा सहमति नजुटेपछि मतगणना अन्योल बनेको छ ।  तीन दलले नौ नम्बर वडाको मतगणना गर्दा निर्वाचन अधिकृतले धाँधली गरी मत तलमाथि पारेको, गणना अपारदर्शी बनाएको आरोप लगाएका छन् । नौ नम्बर वडाको परिणाम सार्वजनिक गर्ने क्रममा उनीहरू त्यस्तो आरोप लगाउँदै गणनास्थलबाट बाहिरिएका थिए ।

बाहिर तीन दल समर्थित कार्यकर्ताले नारावाजी गरेका थिए ।तीन दलको तर्फबाट मतगणनास्थल परिसरमै पत्रकार सम्मेलनको समेत आयोजना गरिएको थियो । पत्रकार सम्मेलनमा कांग्रेस चितवनका सभापति जितनारायण श्रेष्ठले निर्वाचन अधिकृतले मत फेरबदल गरी धाँधली गरेको आरोप लगाए । सदर र बदर मतको रेकर्ड पारदर्शी नराखेको, कम्प्युटरमा चढाउनको क्रममा बदनियतपूर्ण तरिकाले घटी–बढी गरिएको, मतगणनासम्बन्धी तथ्यांक सार्वजनिक नगरी लुकाएको उनीहरूको आरोप छ । माओवादी कार्यकर्ताले ९ नम्बर वडाको सुरुवाती मत गन्दा रेणु दाहालले अग्रता लिएपनि पछि मत तलमाथि गरिएको आरोप लगाएका छन् ।

माओवादी कार्यकर्ताले अहिले मतगणना स्थलबाहिर नाराबाजी गरिरहेका छन् । आधा घण्टादेखि भरतपुरको मतगणना स्थगित भएको छ ।

2275 पटक पढिएको
Loading...

प्रतिक्रिया दिनुहोस

NIC Asia below taja khabar
Bajaj below taja samachar
RITZ sports right side Janamat health right side Samsung health right side bottom Below blog adv