केही ठाउँका मतदानस्थलमा तनाव, मतदान रोकियो, दर्जनौं हवाई फाइर

आइतवार, बैशाख ३१, २०७४

loading...


दोलखा । स्थानिय तहको चुनावका क्रममा दोलखामा तनाव भएको छ । विगु मतदान केन्द्रमा मतदान अधिकृत अपहरणमा परेका छन् । गौरीमुदी गाउँपालिकाको मतदान केन्द्रमा कांग्रेसले बुथ नै कब्जा गरेको छ ।

दोलखाको बिगु गाउँपालिकाको आलम्पु मतदान केन्द्रमा पनि नेपाली कांग्रेस र नेकपा एमालेका कार्यकर्ताबीच झडप भएको छ । आलम्पु मतदान केन्द्रको मतदान पनि अहिले स्थगित गरिएको छ ।

दोलखाकै तामाकोसी गाउँपालिकाको झुलेमा नेपाली कांग्रेसका कार्यकर्ता अच्युत कार्कीमाथि खुकुरी प्रहार भएको छ । एमालेका कार्यकर्ताले खुकुरी प्रहार गरेको कांग्रेसले आरोप लगाएको छ ।

यस्तै हुम्लाको खर्पुनाथ गाउँपालिका वडा नम्बर ५ को मन्धारा मावि मतदान केन्द्रमा अज्ञात समूहले ढुंगामुढा गरेको छ ।

मतदाताहरु लाइनमा लागिरहेका बेला अज्ञात व्यक्तिहरुले ढुंगामुढा गरेपछि प्रहरीले स्थितिलाई नियन्त्रणमा लिन तीन राउन्ड हवाई फायर गरेको छ । घटनाबारे थप अनुसन्धान भइरहेको क्षेत्रीय प्रहरी कार्यालय सुर्खेतका प्रमुख विजयनाथ कायस्थले जानकारी दिएका छन् ।

रामेछापको दोरम्बा गाउँपालिकामा नेकपा माओवादी केन्द्र र नेकपा एमालेका कार्यकर्ताबीच झडप भएको छ । स्थानीय तहको निर्वाचन सुरु भएलगत्तै दुई पार्टीका कार्यकर्ताबीच झडप भएको हो ।

झडपपछि स्थितिलाई नियन्त्रणमा लिन प्रहरीले केही सेल अश्रुग्यास प्रहार गर्नुका साथै एक राउन्ड हवाई फायर गरेको छ । अहिले त्यहाँको निर्वाचन रोकिएको छ ।

21564 पटक पढिएको
Loading...

प्रतिक्रिया दिनुहोस

Powered by Facebook Comments

Janamat health right side janta bank janata bank