समाजसेवी डाक्टर चित्रको क्रन्दन : डाक्टर रोगी हुनुका बेफाइदा

डाक्टर आएर मलाई ‘तँलाई सन्चो हुन्छ’ भन्न पनि सक्दैनन : स्व.डा चित्र वाग्ले

शनिबार, पुस २३, २०७३

loading...


हाम्रो समाजमा डाक्टरको ठूलो इज्जत र प्रतिष्ठा छ । सबैले आफ्ना छोराछोरीलाई डाक्टर इन्जिनियर बनाउन चाहन्छन् । दशैंमा टीका लगाउँदा डाक्टर बनेस भनेर आर्शीवाद दिएको मैले नै सुनेको छु ,आर्शीवाद पनि पाएको छु । यो पेशामा लाएर मैंले धेरै  माया पाएँ पनि । त्यो जति लेखेपनि सकिन्न । यसो भन्दा यो डाक्टरले मपाइँत्व गर्यो भन्नुहोला वा सोच्नुहोला । त्यस्तो सोच्नु तपाइँको अधिकार हो । त्यसमा मेरो भन्नु केही छैन । तर, सत्य बुझ्न मनलागे अर्घाखाँची जानुहोला । अर्घाखाँचीको माया र आर्शीवादले मलाई बाँच्न सहयोग गर्छ ।

dr chitra2

मलाई डाक्टर शव्दले समाजमा चिनाउन सहायता गर्यो । यही पेशाको कारण देश र जनताको सेवा गर्न पाएँ । आफु नेपाल देशको एउटा चिकित्सक भएकोमा म गर्व गर्छु ।
तर आज यही डाक्टरीबाट सिकेको,जानेको ज्ञान मेरो लागि ठूलो पीडाको कारण बनेको छ । यसो भन्दा तपाइँलाई अचम्म लाग्ला । यो स्वाभाविक पनि हो । तर यो पेशा सम्वधी नलेजले ममा ठूलो चिन्ता थपिएको छ । त्यो के भने म यो रोगबाट छिटो मर्दैछु भन्ने मलाई थाहा छ । यो स्टेजका रोगी धेैरै बाँच्दैनन भन्ने प्रुफ मसँग छ । डाक्टर आएर मलाई तलाइ सन्चो हुन्छ भन्न सक्दैनन् । हो यसबाटै सबै कुरा थाहा हुँदाहुँदै पनि सबैलाई खुशी पार्न हँसिलो मुख देखाउन बाध्य छु । आफ्नै परिवारलाई ढाँटी रहेको छु । म अझ धेरै बर्ष बाँच्छु भनेर । तर,यो झूटो आश्वासन हो । मेरो जस्तै रोग लिएर बसेका अरु बिरामी डाक्टरले सन्चो हुन्छ भन्दा खुशी हुन्छन,बाँच्ने आशामा बस्छन् ।
मसँग त्यो आशा छैन
डाक्टरलाई मेरी श्रीमती सोध्छिन्, मेरा बुढालाई के हुन्छ ?’
डाक्टर भन्छन, ‘अपने बुड्ढे को पूछो । उसको पता है ।’
म पनि मिठो आश्वासन पाउने आशामा सोध्छु, ‘क्या होगा डाक्टर साब ?’
अनि डाक्टर भन्छन, ‘दवा कर रहे है, तूमको पता है । उपरवाले का भरोसा करो ।’
उपरवालको के भरोसा गर्ने ? उनी मप्रति दयावान भएका भए उनले मलाई यो रोग नै दिने थिएनन नि, हैन र ?त्यही पनि अन्तिम भनेका उनी नै हुन भनी मेरी श्रीमती दिनमा दुइ चोटि धूपबत्ती बाल्छिन ,सोमबार पूजा गर्छिन । शनिबार चाहिँ शनिको पूजा गर्छिन् ।

puga parajuli

फाईल तस्विर

जे होस, म डाक्टर भएर मलाई न छिटो रोग पत्ता लगाउन फाईदा भयो, न मेरो मृत्युलाई सजिलो गरायो । यो ज्ञानले गर्दा थाहा पाएँ–म यो संसारबाट छिटो जाँदै छु । यसबारे कसैले मलाई सान्त्वना दिन सकेका छैनन । दिंदैनन पनि ।
डाक्टर भएर मलाई फाइदा भयो या बेफाईदा, तपाइँ नै सोच्नुस् ।
डा.चित्र पुस्तकबाट साभार

3350 पटक पढिएको
Loading...

प्रतिक्रिया दिनुहोस

NIC Asia below taja khabar
Bajaj below taja samachar
RITZ sports right side Samsung health right side Samsung health right side bottom