उत्तर कोरियाली राष्ट्रपति किमको ‘राजनीतिक प्रेमपत्र’ राष्ट्रपति ट्रम्पलाई

बिहिबार, जेष्ठ ३०, २०७६



एजेन्सी ।  अमेरिकाका राष्ट्रपति डोनाल्ड ट्रम्पले ह्वाइट हाउसमा दिएको एक बयानलाई विश्वले चासोपूर्वक लिएको छ । राष्ट्रपति ट्रम्पले आफूलाई उत्तर कोरियाली नेता किम जोंग उनद्वारा एक ‘राजनीतिक प्रेमपत्र’ पाएको बताए पश्चात उक्त बयानलाई विश्वले चासोपूर्वक लिएको हो ।

नेता किममाथि विश्वास कायम राख्ने सङ्केत गर्दै राष्ट्रपति ट्रम्पले उक्त बयानमा उत्तर कोरिया सम्झौता लागि तयार भएको बताएका छन् । “उत्तर कोरियाली नेता आफ्नो कुरालाई लागु गरे । यो मेरो लागी अहमको विषय हो ।”, ट्रम्पले बताए ।

राष्ट्रपति ट्रम्पले पत्र पाएको बताएता पनि पत्रमा के लेखिएको थियो भन्ने बारे बोलका छैनन् । यद्दपी उनले अमेरिका र उत्तर कोरियाका नेताहरु बीच प्रेम बढेको बताएका छन् ।

गत फेब्रुअरीमा हनोईमा भएको शिखर वार्ता बिनानिष्कर्ष टुंगिएको थियो । यस पत्रले तेस्रो भेटवार्ता सकारात्मक हुने लक्षण देखाएको राजनीतिक विश्लेषकहरु बताउँछन् । ह्वाइट हाउसको सुरक्षा सल्लाहकार जोन बोल्टन पनि तेस्रो शिखर वार्ता हुन सक्ने कुरामा विश्वस्त छन् । बोल्टनले मंगलबार वाल स्ट्रीट जर्नलमा बताएका छन्, ” हामी तयार छौ, जहिले उहाँहरु तयार हुनुहुन्छ  ।”

Loading...

प्रतिक्रिया दिनुहोस

Powered by Facebook Comments

Janata Bank Janata