डेभिड भिल्लाले लिए सन्यास

बिहिबार, कार्तिक २८, २०७६



एजेन्सी । स्पेनका राष्ट्रिय फुटबल टोलीका चर्चित स्ट्राइकर डेभिड भिल्लाले खेल जीवनबाट सन्यासको घोषणा गरेका छन्  । ३७ वर्षीय भिल्लाले बुधबार सन्यासको घोषणा गरेका हुन् ।

भिल्ला स्पेनका लागि सबैभन्दा बढी गोल गर्ने खेलाडी हुन् । उनले स्पेनका लागि ९८ खेल खेल्दै ५९ गोल गरेका छन् । भिल्ला १९ बर्षदेखि स्पेनिस टोलीमा सक्रिय थिए । सन् २०१० को विश्वकप उपाधि स्पेनलाई जिताउन भिल्लाको भूमिका विशेष थियो । उनी स्पेनले २००८ मा युरोपक जित्दाका पनि मुख्य खेलाडी थिए । घरेलु क्लब बार्सिलोनाबाछ २०१० देखि २०१३ सम्म खेलेका भिल्लाले त्यहाँ पनि आफ्नो बलियो छाप छाडे ।

बार्सिलोनालाई उनले  दुई पटक स्पेनिस ला लिगा र एक च्याम्पियन्स लिगको उपाधि पनि जिताए । २०१३ देखि २०१४ सम्म एक सिजन एट्लेटिको म्याड्रिडबाट खेलेका भिल्लाले त्यसपछि सन् २०१८ सम्म न्युयोर्क सिटीबाट ब्यवसायिक फुटबल खेले । उनी पछिल्लो समय जापानी क्लब भिसेल कोवेमा आवद्ध थिए । आफुले फुटबलमा सकेजति गरेको र फुटबलले पनि आफुलाई धेरै दिएको भिल्लाले बताएका छन् । ‘म पहिल्यै देखि सन्न्यास लिने सोचमा थिएँ । मेरा लागि सक्रिय खेलबाट बिदा हुने उपयुक्त समय यही हो,’ भिल्लाले भनेका छन् ।

Loading...

प्रतिक्रिया दिनुहोस

Powered by Facebook Comments

Janata