धनगढी प्रिमियर लिगमा काठमाडौं गोल्डेन्सको विजयी शुरुवात

सोमवार, माघ २८, २०७५

- पदमराज भट्ट



धनगढी । धनगढी प्रिमियर लिग डीपीएलको तेस्रो संस्करणमा काठमाडौं गोल्डेन्सले विजयी शुरुवात गरेको छ।  सोमबार धनगढी स्थित फाप्ला क्रिकेट मैदानमा घरेलु टोली धनगढी स्टार्सलाई ४ विकेटले पराजित गर्दै काठमाडौँले प्रतियोगितामा विजयी शुरुवात गरेको हो।

टस हारेर ब्याटिङ गरेको धनगढीले दिएको १ सय ३३ रनको लक्ष्य काठमाडौंले १९ दशमलव ५ ओभरमा पुरा र्गयो। काठमाडौंका गौरव तोमार २८, अनिल साह २४, अंकिद दबास २९, कप्तान ज्ञानेन्द्र मल्ल ३, सोनु तामाङ र योगेन्द्रसिंह कार्की समान २ रन बनाए। महबुब आलम १२ र विक्रम भुसाल १४ रनमा अविजित रहे।

1

धनगढीका रोहन मुस्तफाले ४ ओभरमा २७ रन खर्चेर ४ विकेट लिए। टस हारेर ब्याटिङमा आएको धनगढीले २० ओभरमा ५ विकेट गुमाउँदै १ सय ३२ रन बनाएको थियो। धनगढीका अमित श्रेष्ठ ५०, सन्दीप रजाइली २८, सौरभ खनाल २५ रन बनाए।

Loading...

प्रतिक्रिया दिनुहोस

Powered by Facebook Comments

Janata Bank (Detail page 2nd) Janata Bank