‘तपाई हिडाई हेरेर तपाई कसरी सुत्नुहुन्छ’ बताउन सकिन्छ !

आइतवार, कार्तिक ३, २०७६



भोग लाग्नु, समयमा निद्रा लाग्नु राम्रो स्वास्थ्यको संकेत हो । तर अहिले हामी न त समयमा खाना खाइरहेका छौ न त सुति नै रहेका छौ। हामीले सुनेका छौं, हाम्रा पूर्खाहरु ढुंगाको सिरानी लगाएर मस्त निदाउँथे । अहिले हामी न्यानो, नरम र आरमदायक बिछ्यौनामा पनि निदाउन सक्दैनौं । किन हाम्रो निद्रा भाग्दैछ ? यसमा एकमात्र जवाफ छैन ।

यसका लागि हाम्रो तिब्रताका साथ बद्लिदो रहनसहन जिम्मेवार छ। शरीरको रोग प्रतिरोधात्मक क्षमता बढाउन पनि पर्याप्त निद्रा जरुरी हुन्छ । आजको हाम्रो जीवनशैली निकै नै अस्तव्यस्त छ । अर्कोतिर हामी ऐशआरमपूवर्कक जीवन व्यतित गरिरहेका छौं । शारीरिक रुपमा निस्क्रिय  छौं । मनमा भने उच्च आंकक्षा पालेका छौं । प्रतिस्पर्धाको भावना राखेका छौं । यावत् कुराले हाम्रो निद्रा विथोलिदैछ ।

Chinese scientists can tell how well you sleep by watching your stepको लागि तस्बिर परिणाम

यसैबीच बेइजिङको चिनियाँ एकेडेमी अफ साइन्सको एक अनुसन्धान टोलीका अनुसार कृत्रिम बुद्धिमत्ता(आर्टिफिसियल इन्टेलिजेन्स)को मद्दतले मान्छेहरूको  हिड्ने तरिकाबाट उनीहरू कसरी सुत्ने गर्दछन् भन्ने कुरा अनुमान गर्न सकिने बताएको छ ।

प्रोफेसर झू टिंगाशाओ र मनोविज्ञान संस्थानका सहकर्मीहरूको समूहले कुनै पनि व्यक्तिले पाइला चल्ने गति एवं तरिका नियालेर उक्त व्यक्तिको निन्द्रा र निद्राको गुणस्तर निर्धारण गर्ने सही विधि विकास गर्न सकिने वताएका छन् । अनलाइन साइनटेफिक जर्नल पीएलओस वनमा प्रकाशित जर्नल अनुसार यसका लागि मेशिन लगिङ एल्गोरिथ्म र भिडियो गेम कम्पोनेन्टको सहयोग लिनुपर्दछ ।

झू र उनको टोलीले बताएअनुसार यदि  कुनै पनि व्यक्ति अनिदो छ भने उसको शरीरका माथिल्लो भागहरू जस्तै टाउको र काँध झुक्ने गर्दछ । यस विधिको मद्दतले स्वास्थ्य अधिकारीहरूलाई बढ्दो स्वास्थ्य समस्याको मापन गर्न कम खर्चिलो एवं सहज हुनेछ ।

खराब निद्रा तथा गुणस्तरहिन निन्द्राले मोटोपना, दुर्घटना साथै मुटु रोगजस्ता समस्याहरू निम्ताउने गर्दछ । गत वर्ष सरकारी अस्पतालले गरेको सर्वेक्षण अनुसार चीनमा करिब एक चौथाई जनसंख्यालाई निद्राको समस्या छ। यस्तै अमेरिकाले पनि सोहि परिमाण बराबरको तथ्यांकको  रिपोर्ट सार्वजनिक गरेको छ  ।

“निद्राको ध्वनी स्मार्ट वाच वा ब्रेसलेट लगाएर मापन गर्न सकिन्छ । ब्रेनवेभ मोनिटर अथवा  अस्पतालमा एमआरआई स्क्यान गराएर कुनै पनि मानिस कति गहिरो निद्रा सुतेको छ भन्ने थाहा हुन् सक्छ ।” झूले बताए ।  उनको अनुसार यस पक्रियालाई व्यस्थितरुपमा जनमानसमा पुर्याउन  राज्य एवं विज्ञ व्यक्तिको सहयोगको आवश्यक पर्ने झूको धारणा रहेको छ ।

Loading...

प्रतिक्रिया दिनुहोस

Powered by Facebook Comments

Janata Bank Janata