विष्णु रिमालको सल्लाहकार को ?

आइतवार, असार २२, २०७६



काठमाडौं । प्रधानमन्त्री केपी शर्मा ओलीका प्रमुख सल्लाहकार विष्णु रिमालको ट्वीट सामाजिक सञ्जालमा ‘हट केक’  बनिरहेको छ । आइतबार(आज) बिहान रिमालले आफ्नो मर्यादा भुल्दै गरेको ट्वीटमा  ‘छौंडाहरु आफैं चल्मलाएका हुन् कि कसैले छोडेका?’ भनेर प्रश्न उठाएका थिए  । उनले कवितात्मक शैलीमा गरेको ट्वीट पश्चात सामाजिक सञ्जाल नराम्रोसँग खलबलिएको  छ ! उनले ट्वीटमा लेखेका छन्:

भनिन्छ, छौडाहरु आफैं चलमलाउँदैनन्,
कसैले छोड्छन्,
दुःख दिन्छन् !
यी छौंडाहरु आफैं चल्मलाएका हुन् कि 
कसैले छोडेका?

यद्दपी रिमालले के कुराको संकेत गर्दै कसलाई व्यंग हानेका हुन्,  त्यो भने खुलाइएको  छैन । उनको ट्विटमा तीव्र प्रतिक्रिया आइरहेका छन् । पाँच घण्टामा नै  तीन सयभन्दा बढीले रिप्लाइ गरिसकेका छन् । अधिकांश ट्वीटर प्रयोगकर्ताले उनको आलोचना गरेका छन् । उनको ट्वीटमा प्रतिक्रिया जनाउँदै  उषाकिरण तिम्सेना लेख्छिन् “कमरेड तपाँई पार्टीको स्थायी कमिटी सदस्य र प्रम ज्युको सल्लाहकार दुवै पदबाट राजिनामा दिनुस् । यो चेतनास्तरले दुवै पदलाई न्याय गर्न सक्दैन ।”

अर्का ट्वीट प्रयोगकर्ता विष्णु पाण्डे लेख्छन् “कठै सल्लाहकारज्युका शब्द चयन! भोली फेरी यही समाजमा सामान्य नागरिकको रुपमा जिवनयापन गर्नु पर्ने दिन आउदैन ? कि त्यती दुरर्दर्शिता पनि छैन ? सोचाइ साह्रै निकृष्ट र भाषा तल्लो स्तरको हुनुपर्ने विशेषता  सहित सल्लाहकार पदको आवेदन माग भएको थ्यो कि पद नै यस्तो हो या पारिवारिक गुण ?

यस्तै अर्का विमल योगी व्यंग्य कस्छन – “उट्पट्याङ शब्दकाे खानी यता रै छ । म भने प्रधानमन्त्री ज्यूलाई गाली गर्दै ।”

भनिन्छ, छौंडाहरू आफैं चलमलाउँदैनन् कसैले छोड्छन्, दु:ख दिन्छन् ! यी छौंडाहरू आफैं चलमलाएका हुन् की कसैले छोडेका?

Loading...

प्रतिक्रिया दिनुहोस

Powered by Facebook Comments

Janata Bank (Detail page 2nd) Janata Bank