एक व्यक्ति जसको हातगोडामा रुख उम्रीरहन्छ, भन्छन्, ” म मुक्ति चाहन्छु । मेरो हात काटीदिनुहोस् !”

मङ्लबार, असार १०, २०७६



ढाका । एक व्यक्ति जसको हातगोडामा रुख जस्तो संरचना उम्रिरहने गर्दछ । उनैले हालसालै दिएको एक अभिव्यक्तिलाई लिएर दुनियाँभर चर्चा-परिचर्चा शुरु भएको छ ।

बंगलादेशी नागरिक अब्दुल बजनदार जसलाई दुनियाँ ‘ट्री म्यान’ को नामले चिन्दछ । उनले हिजो(सोमबार) बताए अनुसार, उनी आफ्नो हात काट्न चाहन्छन् । अत्याधिक असह्य पिडा र हैरानीको पश्चात अब्दुलले यस्तो अभिव्यक्ति दिएका हुन् ।

अब्दुल एक अज्ञात रोगको शिकार भएका छन् । सोहि कारण उनको हातमा बारम्बार रुख जस्तो संरचना(रुखको हाँगा)उम्रिरहने गरेको छ । सन् २०१६ देखि हालसम्म उनले २५ भन्दा ज्यादा अप्रेशन गरिसकेका छन् ।

bangladesh tree man abdul bajandarको लागि तस्बिर परिणाम

एएफपीको अनुसार, डाक्टरहरुलाई विश्वास थियो कि उनलाई यस पिडाबाट मुक्ती दिलाउन सकिनेछ तर गत साल मे मा भएको एक सर्जरी पश्चात अब्दुल ढाका स्थित एक क्लिनिकमा पुगेका छन् ।

एक बच्चाको बाउ समेत रहेका २८ वर्षीय अब्दुल आफ्नो झनै बिग्रदो शारीरिक अवस्थासहित यसै वर्षको जनवरीमा पुन: अस्तलामा भर्ना भए । तर यसपटक उनको हातमा पछिल्ला समयका भन्दा पनि विकराल अवस्था देख्न सकिन्छ ।

उनले बताए, ” म अब थप पिडा सहन सक्दिन । म यस समस्याबाट पार पाउन चाहन्छु । म राती सुत्न सक्दिन ! मैले डाक्टरहरुलाई भन्दै आइरहेको छु कि मेरो हात काटीदेओ, मलाई सन्तोष मिल्छ ।”

अब्दुलको आमा अमीना बीबी छोराको यस कुरासँग सहमत छिन । उनले छोराको कुरासँग सहमति जनाउँदै भनिन्, ” कमसेकम यसलाई पिडा त हुदैन ! अहिले त यो नर्कमा बाचिरहेको छ ।”

अब्दुल एपिडर्मोडिसप्लासिया वेरुसीफोर्मिस (Epidermodysplasia Verruciformis) नामक रोगसँग जुधिरहेको छ । यस रोगलाई ‘ट्री म्यान सिन्ड्रोम’ पनि भन्ने गरिन्छ ।

अब्दुल राम्रो उपचारको लागि विदेश जान चाहन्छन्त । तर उनको आर्थिकस्तर कमजोर छ । ढाका मेडिकल कलेजको प्रमुख सर्जन सामन्था लाल सेनले बताएअनुसार सात चिकित्सकको एक बोर्डले मंगलबाराको अब्दुलको हालतमाथि चर्चा गर्नेछ । उनले बताए, ” उनले आफ्नो निर्णय सुनाइसकेका छन् । तर हामी पनि उनी जे चाहन्छन् त्यै गर्दा नै राम्रो हुने देख्छौं ।”

अब्दुलको यस रोग भएको थाहा पाए लगत्तै बंगलादेशकी प्रधानमन्त्री शेख हसिनाले उनको निशुल्क उपचार हुने बताएकी थिइन् । सोहि निर्णय पश्चात आफ्नो पहिलो चरणको उपचारको सिलसिलामा अब्‍दुल अस्पतलाको प्राइभेट सेक्शनमा दुई वर्षसम्म रहेका थिए ।

यो विश्वास गरिन्छ कि,  विश्वमा आधा दर्जनभन्दा कम व्यक्ति यस रोगले प्रताडित छन् । सन् २०१७ मा पनि ढाका मेडिकल कलेजले यसै रोगबाट प्रताडित बंगलादेशी बालिकाको उपचार गरेको थियो ।

सम्बन्धित छवि

डाक्टरले उनको अप्रेशन सफलतापुर्वक सम्पन्न भएको बताएका थिए । तर बालिकाको पिताले भने अप्रेशन पश्चात रुख उम्रन नरोकिएको, झनै बढेको बताएका थिए ।  तत्पश्चात सो परिवार गाउँ फर्किएको थियो ।

Loading...

प्रतिक्रिया दिनुहोस

Powered by Facebook Comments

Janata Bank Janata