वामपन्थी गठबन्धन लोकतन्त्रको खोल ओड्ने अधिनायकवादी,विवाद निम्त्याउने र दुर्भाग्यको गठबन्धन : देउवा ,पौडेल र महत

बिहिबार, अशोज २६, २०७४

loading...


काठमाडौँ । प्रधानमन्त्री एवं नेपाली काँग्रेसका सभापति शेरबहादुर देउवाले एकदलीय साम्यवादले लोकतन्त्रमा चुनौती आउने जनाउँदै त्यसविरुद्ध सबै एकजुट हुनुपर्ने बताएका छन् ।

विश्वभरबाट नेपाल आएका काँग्रेस आबद्ध जनसम्पर्क समितिको राष्ट्रिय भेलालाई आज काठमाडौँ सम्बोधन गर्ने क्रममा उनले जनताका मौलिक अधिकार संस्थागत गर्ने शासन प्रणाली बहुदलीय लोकतन्त्र मात्र भएको बताउँदै भने, “लोकतन्त्रको खोल ओढेर अधिनायकवाद लागू गर्नेविरुद्ध सबै सजग हुनैपर्छ ।”

जनताका अधिकार स्थापना गर्न २००७ सालदेखि नै काँग्रेसले प्रतिबद्धताका साथ नेतृत्वदायी भूमिका निर्वाह गर्दै आएको उल्लेख गर्दै उनले अहिले काँग्रेसमाथि आएको चुनौती लोकतन्त्रमाथिको चुनौती हो, लोकतन्त्रको संस्थागत विकासका लागि एकताबद्ध भएर काँग्रेसलाई सहयोग गर्नुस् भने ।

भेलामा पार्टीका वरिष्ठ नेता रामचन्द्र पौडेलले नयाँ संविधान जारी भएसँगै मुलुकमा राजनीतिक प्रणाली स्पष्ट भइसकेका अवस्थामा साम्यवाद लागू गर्ने उद्देश्यका साथ भएको वामपन्थी दलको गठबन्धनले विवाद निम्त्याएको जिकिर गरे ।

केही दलबीच भएको एकात्मक साम्यवाद स्थापना गर्ने सहमतिले काँग्रेसलाई झस्काएको उल्लेख गर्दै उनले लोकतन्त्रलाई नै चुनौती दिने गरी भएको गठबन्धनप्रति सबै गम्भीर हुनुपर्ने बताए ।

काँग्रेस नेता डा प्रकाशशरण महतले मुलुकमा लोकतन्त्रको विकल्प छैन भनी काँग्रेसले नै सबै दललाई लोकतान्त्रिक मूलधारमा ल्याएको बताउँदै विश्वमा असफल भइसकेको साम्यवाद स्थापना गर्ने भनेर गरिएको गठबन्धन दुर्भाग्य भएको विचार व्यक्त गरे । गैरआवासीय नेपाली संघको आसन्न राष्ट्रिय सम्मेलनमा भाग लिन विश्वभरका जनसम्पर्क समितिका पदाधिकारी तथा सदस्य राजधानीमा छन् ।

231 पटक पढिएको
Loading...

प्रतिक्रिया दिनुहोस

Powered by Facebook Comments

Nic Asia
dashain suvakamana
Asia Pacific Trade Concern Janamat health right side janta bank saral flyer Below blog adv