नयाँ शक्ति गठनको दुई वर्ष :जुट्नेभन्दा फुट्ने धेरै

बुधबार, जेष्ठ ३०, २०७५



काठमाडौं ।  नयाँ शक्ति पार्टी स्थापना भएको दुई वर्ष पूरा भएको छ । ३० जेठ ०७३ मा डा. बाबुराम भट्टराईको नेतृत्वमा दशरथ रंगशालामा आयोजित विशेष समारोहमा नयाँ शक्ति पार्टी गठन भएको थियो । पूर्वमाओवादी, सरकारी सेवाबाट सेवा निवृत्त कर्मचारी, विभिन्न विषय विज्ञ र विभिन्न राष्ट्रिय तथा अन्तर्राष्ट्रिय गैरसरकारी क्षेत्रमा क्रियाशील रहेकालाई गोलबद्ध गर्दै भट्टराईले नयाँ शक्ति गठन गरेका थिए । तर, यी दुई वर्षमा नयाँ शक्ति पार्टी जुट्नेभन्दा फुट्ने धेरै भएको छ ।

यस अवधिमा स्पष्ट दृष्टिकोणसहित पार्टी अगाडि बढ्न नसकेपछि समस्या देखिन थाल्यो । नयाँ शक्तिको संगठनमा युवा जमातको आकर्षण देखिएन भने कम्युनिस्ट स्कुलिङ र गैरकम्युनिस्ट स्कुलिङबीच अन्तद्र्वन्द्व बढ्दै गएपछि पार्टी थप कमजोर हुँदै गयो ।

पार्टीमा असन्तुष्टि सुरु हुँदै गएपछि सबैभन्दा पहिला वाम बुद्धिजीवीका रूपमा संगठित मुमाराज खनालले नयाँ शक्ति पार्टीबाट अलग भएको घोषणा गरे । त्यसलगत्तै पूर्वअर्थसचिव रामेश्वर खनालले १ चैत ०७३ सालमा नयाँ शक्ति छाडे । पार्टीको सुरक्षा तथा अनुसन्धान विभाग प्रमुखसमेत रहेका पूर्वडीआइजी गणेश राई पनि एक वर्षसम्म पार्टीमा टिक्न सकेनन् ।

स्थानीय तहको निर्वाचनमा सोचेअनुरूप नतिजा नआएपछि नेता देवेन्द्र पौडेलसहित १५ जना नेताले गत २ भदौमा नयाँ शक्ति छोडे । पौडेलसहितको टिममा पूर्वमाओवादी नेता कार्यकर्ता थिए । त्यसलगत्तै रामचन्द्र झा र रामकुमार शर्मा नयाँ शक्ति छोडी माओवादी केन्द्रमा प्रवेश गरे । प्रदेश र प्रतिनिधिसभा निर्वाचनपछि नयाँ शक्तिमा निष्क्रिय रहेका प्रवक्ता खिमलाल देवकोटा गत २२ फागुनमा माओवादी केन्द्रमा प्रवेश गरे ।

यसरी संगठित भएका नेता कार्यकर्ताले पार्टी छोड्न थालेपछि नयाँ शक्ति कमजोर हुन थालेको हो । अहिले माओवादी पृष्ठभूमिबाट आएका नयाँ शक्तिमा भट्टराई र पत्नी हिसिला यमी, देवेन्द्र पराजुली, कल्पना धमला, गंगानारायण श्रेष्ठ तथा वन्दना सुवेदी मात्र छन् । धेरैजसो माओवादी स्कुलिङका नेताले नयाँ शक्ति छाडेका छन् ।

पार्टीको अवस्था यस्तो छ ?
नयाँ शक्तिले स्थानीय तहमा दुई सिट जित्यो । प्रदेश र प्रतिनिधिसभा निर्वाचनअघि १७ असोजमा भएको एमाले–माओवादी वाम गठबन्धनमा भट्टराई पनि सहभागी भए । तर, गठबन्धनमा समस्या भएपछि भट्टराई कांग्रेससँग तालमेल गरी प्रदेश र प्रतिनिधिसभा निर्वाचनमा सहभागी भए ।

आज नयाँ शक्तिको स्थापना दिवस
नयाँ शक्ति पार्टी स्थापना भएको आज दुई वर्ष पुगेको छ । पार्टी स्थापना दिवस बुधबार राजधानीको कार्की पार्टीप्यालेसमा मनाइने नेता देवेन्द्र पराजुलीले बताए । ‘देशी–विदेशी पाहुना र अरू पार्टीका नेता–कार्यकर्ता बोलाएका छैनौँ,’ उनले भने, ‘कार्यक्रम सामान्य गर्छौँ ।’ नयाँपत्रिकाबाट

155 पटक पढिएको
Loading...

प्रतिक्रिया दिनुहोस

Powered by Facebook Comments

janta bank Janata Bank Janata Bank