यि हुन पहिलो नेपाली पानी जहाजका क्याप्टेन पाण्डे

loading...

बिहिबार, पुस २१, २०७३



सिड्नी । अस्ट्रेलिया आईपुगेका एकजना नेपाली आफ्नो निरन्तर प्रयासका कारण पहिलो नेपाली पानी जहाज क्याप्टेन बन्न पुगेका छन् ।  हाल ७ हजार घण्टा सम्मको सफलतापुर्वक पानीजहाज चलाइसकेका ब्राम पाण्डेको नेपाली नाम भने कैलाश पाण्डे हो ।

साहस र लगनशिलता नै आफ्नो सफलताको रहस्य भएको बताउने पाण्डे विदेशमा आएर पनि अवसर चिन्न नसकिए र समय अनुसार आफुलाई अगाडि बढाईेएन भने आफ्नो देश छाडेको अर्थ नरहने बताउँछन् ।

pandey2उनी यसै विषयमा स्नाकोत्तर गरि सिड्नी हार्वर हाउस बाट विभिन्न सामुद्रिक यात्रामा छुट्ने साना वा ठुला जहाजहरूका कमान्डर हुन् । अन्तरदेशीय तथा अन्तराष्ट्रिय जहाज चलाउन हरेक दिन ब्यस्त रहने ब्राम आफु जल, थल र हवाइ सबै खाले सवारीको चालक बन्ने तयारी गरिरहेको बताउछन् ।

उद्दार हेलीकोप्टर समेतको पाइलट बन्ने तयारीमा रहेका पाण्डेले आफु स्टीवर्ड पदबाट यो पेशामा प्रवेश गरेको र कम्पनिकै खर्चमा अध्ययन समाप्त गरि यो उचाइमा पुगेको जानकारी दिए ।  सयौं यात्रुहरू र जहाज भित्र कार्यरत सबै स्टाफहरूको इन्चार्जका रुपमा आफुले जिम्वेवारी बहन गर्ने गरेको बताउने पाण्डे हाल ३१ वर्षका भए ।

नेपालको पाल्पा जिल्लामा जन्मिएका पाण्डे ७ वर्ष अघि अध्ययनका लागि  अस्ट्रेलियामा पुगेका थिए ।  अस्ट्रेलियामा मात्र नभएर सम्भवत विश्वमै पहिलो र कम उमेरको नेपाली क्याप्टेन बन्ने सौभाग्य आफुलाई नै मिलेको उनको दावी छ ।

आफुभित्र लुकेको प्रतिभालाई आफैले उजागर गर्नु पर्ने र यसका लागि मात्र प्रतिवद्दता जरुरी हुने उनको भनाइ छ । नेपालको पहुँच समन्द्रसंग नजोडिएपनि एउटा नेपाली नागरिक सामुद्रिक यात्राका प्रसिद्ध पानी जहाज चलाउँछ भन्ने खवर यस क्षेत्रका अन्यलाई समेत नौलो विषय बन्न पुगेको उनका सहकर्मीहरु बताउँछन् ।

1434 पटक पढिएको
Loading...

प्रतिक्रिया दिनुहोस

NIC Asia below taja khabar
Bajaj below taja samachar
RITZ sports right side Below samsung cement health right side Samsung health right side Samsung health right side bottom