१२ हजार लिटर डिजेल बोकेको ट्याङकर दुर्घटना, दुई जनाको मृत्यु

बुधबार, चैत्र १४, २०७४



काठमाडौं । १२ हजार लिटर डिजेल बोकेको ट्याङकर दुर्घटना हुँदा दुई जनाको मृत्यु भएको छ । उदयपुरको कटारी नगरपालिका-११ गहुबारी स्थित घुर्मी-कटारी सडक खण्डमा बुधबार ट्याङकर दुर्घटना हुँदा दुई जनाको ज्यान गएको छ भने अन्य तीन जना गम्भिर घाइते भएका छन्।

उदयपुरको कटारीमा बुधबार बिहान २ बजेतिर १२ हजार लिटर डिजल बोकेको ना‍ ६ ख ३२३१ नम्वरको ट्याङ्कर अनियन्त्रित भई सडकबाट अन्दाजी १ सय मिटर तल खसेको थियो।

दुर्घटनामा परी चालक बारा जिल्ला अम्लेसगन्ज–४ का २३ वर्षीया पूर्णप्रसाद खनाल र मकवानपुर जिल्ला नामाटारका ३१ वर्षीया सरोज मोक्तानको मृत्यु भएको प्रहरीले जनाएको छ। प्रहरी अनुसार, भक्तपुरका २४ बर्षीया सुवास तामाङ्ग, बारा निजगढका १७ बर्षीया अभिषेक श्रेष्ठ र दोलखा चरिकोटका २५ बर्षीया सुजन गोले गम्भिर घाईते भएका छन्।

घाइते भएकाहरुलाइ उपचारका लागि काठमाडाै‌ पठाएकाे प्रहरीले जनाएकाे छ ।  ट्याङकर दुर्घटना भएसँगै ठुलो आगलागी हुन सक्ने जोखिम बढेकाले प्रहरीले उच्च सतर्कता अपनाएको जनाएको छ।

Loading...

प्रतिक्रिया दिनुहोस

Powered by Facebook Comments

Janata Bank (Detail page 2nd) Janata Bank