सैफ–करिनालाई पुत्रलाभ

बुधबार, पुस ६, २०७३

loading...


एजेन्सी । बलिउड नायिका करिना कपुर आमा बनेकी छन् । उनले मंगलबार बिहान छोरालाई जन्म दिएकी छन् । योसँगै उनका पतिरनायक सैफ अली खान तेस्रोपटक बाबु बनेका छन् । करिनाको चाहिँ यो पहिलो सन्तान हो ।

४६ वर्षे सैफ र उनीभन्दा दस वर्ष कान्छी करिनाले छोराको नाम राखेका छन्, तैमूर अली खान पटौदी ।

करिना र सैफको विवाह सन् २०१२ मा विवाह भएको हो । सैफको यो दोस्रो विवाह हो भने करिनाको पहिलो । बलिउडकी पुरानी नायिका अमृता सिंहसँग तेह्र वर्ष लामो वैवाहिक सम्बन्ध सैफले २००४ मा तोडेका थिए । अमृतातर्फबाट सैफका दुई सन्तान छन्, छोरा र छोरी ।

सैफ र करिनाले पहिलो सन्तानलाई स्वागत गर्दैगर्दा उनीहरूका बलिउड सहकर्मी र फिल्मकर्मीहरूले बधाईको ओइरो लगाएका छन् । करिनाकी दिदी करिश्माले आफू ठूलीआमा भएकामा गर्व लागेको बताएकी छन् । सैफकी बहिनी सोहाले भने तैमूरलाई सांसारिक दुनियाँमा स्वागत गर्दै र आमा र बच्चा दुवै अच्छा रहेको जानकारी दिँदै थपेकी छन्, ‘र, बच्चाका बाउ त झनै अच्छा छन् ।’

बलिउडमा करिनालाई ‘बेबो’ उपनामले बढी चिनिन्छ । निर्देशक करण जौहरले भनेका छन्, ‘मेरो बेबोको बेबी ब्वाई भएको छ । र, म एकदम एकदम खुसी छु ।’ त्यसैगरी अमृता अरोराले भने करिनालाई ‘मम्मी क्लब’ मा स्वागत गरेकी छन् । नायिका सोनम कपुरले इन्स्टाग्राममा भनेकी छन्, ‘डार्लिङ करिना र सैफलाई बधाई । तैमूर सबैको आँखाको तारा बन्नेछन् ।’

कतिपयले भने सैफ–करिनाको छोराको नामलाई लिएर गुनासो पनि गरेका छन्, बढीजसो सोसल मिडियामा । तैमूरलङ एक कुख्यात लुटेरा थिए । चौधौं शताब्दीमा उज्बेकिस्तानी यी लुटेराको क्रूरता र अत्याचार यति थियो, एक समय भारतको दिल्ली पुगेर पन्ध्र दिनमा कैयौँ मान्छेको हत्या गरी लूट मच्चाएको इतिहासमा उल्लेख छ । छोराको नाम यस्ता लुटेरासँग मिल्न जाँदा करिना र सैफका फ्यानहरू गुनासिएका हुन् ।

544 पटक पढिएको
Loading...

प्रतिक्रिया दिनुहोस

NIC Asia below taja khabar
Bajaj below taja samachar
RITZ sports right side Samsung health right side Samsung health right side bottom