गायक राजेश पायल राईले आफ्नै रेष्टुरेण्टमा बोलाएर नायिका केकीलाई गरे बिहेको प्रस्ताव

मङ्लबार, माघ २, २०७४

loading...


काठमाडौ । गायक राजेश पायल राईले आफ्नो चर्चित गीत ‘दर्शन नमस्ते’ नाम राखेर एक रेस्टुरेन्टको सुरुवात गरेका छन् । यसै साताबाट सुरु भएको सो रेस्टुरेन्टको उद्घाटन गर्न कला जगतका केही व्यक्ति र पत्रकारलाई बोलाएर गरे । नेपाली सुगम संगीतमा राज गरिरहेका राजेशको मनले खाएकी सिनेकर्मीको भने नायिका केकी अधिकारीले मात्रै प्रतिनिधित्व गरिन । धेरै चलचित्रमा गीत गाएका र चलचित्रकर्मीसँग निकट रहेका राजेशको रोजाइमा अभिनेत्री अधिकारी मात्र परिन् । रेस्टुरेन्टको उद्घाटनको रिबन र केक काट्नका लागि बोलाइएकी केकी एक्ली चलचित्रकर्मी मात्रै होइन, एक्ली युवती पनि भइन् ।

स्वभाविक रुपमा प्रश्न उठ्यो, ‘राजेशका निकट मानिने यत्रो अभिनेत्री र अभिनेता छन्, रोजाइमा केकी मात्रै किन ?’ अरुसँगको मित्रता टुट्ला भन्ने पीर नगरी राजेशले उत्तर दिए, ‘केकी मलाई मनपर्ने मान्छे हो ।’ खुशी हुँदै केकीले केक काटिन् र भनिन्,‘बहराइनमा सँगै कार्यक्रम गरेपछि उहाँबाट म प्रभावित भएँ । आगामी वर्षमा पनि केक काट्ने अवसर मैले नै पाउँ ।’ राजेशले मौका छाडेनन्, भनिहाले, ‘त्यसका लागि बिहे मसँगै गर्नुपर्ने भयो ।’ माहोल ठट्टापूर्ण बन्यो तर राजेशको अनुहारले केकीप्रति आत्मीयता बढ्तै रहेको दर्शाउथ्यो । शनिवार साँझ कमलपोखरीस्थित ‘दर्शन नमस्ते रेस्टुरेन्ट’को माहोल हेर्ने जोसुकैले अनुमान गर्न सक्थ्यो, राजेशले केकीलाई दिलमै ‘दर्शन नमस्ते’ त गरिसकेनन् ?

469 पटक पढिएको
Loading...

प्रतिक्रिया दिनुहोस

Powered by Facebook Comments

janta bank (Detail page 1st) Janata Bank (Detail page 2nd) Janata Bank