“”

फिल्म ‘गाजाबाजा’ फागुन २५ मा रिलिज हुँदै

सोमवार, फाल्गुन २१, २०७४

loading...


काठमाडौं । चलचित्र गाजा बाजालाई सर्वोच्च अदातलले चलचित्र चलाउन पाउने अधिकार दिएपछि अब दर्शकमाझ आउने भएको छ । चलचित्र नाम गाजाबाजा राख्न चलचित्र विकास बोर्डले नदिएपछि एक वर्षसम्म अदालतमा मुद्दा लडेको थियो ।

गाजाबाजा अब फागुन २५ बाट देशव्यापी प्रदर्शनीमा आउने चलचित्र टोलीले आईतबार नारायणगढमा पत्रकार सम्मेलन गरि जानकारी दिएको छ । लागूऔधषविरुद्धको यो फिल्मको नाम ‘गाजाबाजा’ राखिएको यो नाममा फिल्म बनाउने अनुमति नदिएपछि सो नामका लागि निर्माण पक्ष अदालत पुगेको थियो ।

२५ फागुनबाट ‘गाजाबाजा’ प्रदर्शनीमा आउने भएपछि निर्माण टोली यसको प्रचार प्रसारमा जुटेको छ । चलचित्रको प्रचारका लागि चलचित्र टोली मोफसल यात्रामा रहेको छ । चलचित्रको लेखन तथा निर्देशन गणेशदेव पाण्डको रहेको छ । चलचित्रका निर्देशक पाण्डेले अहिलेका तन्नेरी पुस्ताले यो सिनेमा हेर्नै पर्ने बताउँछन् ।

चलचित्रमा अनुपम शर्मा ,सुशील सिटौला, रविन थापा, उद्धव भट्टराई, अम्बर सुवेदी, वर्षा शिवाकोटी, रक्षा श्रेष्ठ, जीवन भट्टराई, गोपाल अर्याल, कुविर सुब्बा लगायतका कलाकारको अभिनय छ ।
दीपेन्द्र रेग्मी र गोमा थापा विष्टको संयुक्त लगानीमो चलचित्र तयार भएको हो । डीआर फिल्मस र टुका इन्टरटेनमेन्टको व्यानरमा निर्माण भएको चलचित्रत्रमा निख एण्ड जटाको संगीत, याकोपो रास्लिकको छायांकन, लोकेश बज्राचार्यको सम्पादन रहेको छ ।

159 पटक पढिएको
Loading...

प्रतिक्रिया दिनुहोस

Powered by Facebook Comments

janta bank janata bank Janata Bank