लन्डनको फेस अफ द वल्र्डमा नेपाल पनि सहभागि हुने

सोमवार, पुस २५, २०७३

loading...


काठमाडौं । लन्डनमा आयोजना हुने महिला तथा पुरुष मोडलहरुको अन्तर्राष्ट्रिय सौन्दर्य प्रतियोगिता ‘फेस अफ द वल्र्ड–२०१७’ मा नेपालले पनि औपचारिक रुपमा प्रवेश पाउने भएको छ । आइतबार काठमाडौंमा फेस अफ द वल्र्ड नेपालद्वारा आयोजित पत्रकार सम्मेलनमा जुलाई १५ मा लन्डनमा सम्पन्न हुने फेस अफ द वल्र्ड—२०१७ का लागि नेपाली प्रतिनिधि छनोट गर्ने प्रतियोगिताको घोषणा गरिएको हो ।

फेस अफ द वल्र्ड नेपालका निर्देशक पियुस कर्णका अनुसार जुलाईमा सम्पन्न हुने अन्तर्राष्ट्रिय प्रतियोगितामा नेपालबाट प्रतिनिधित्व गर्ने प्रतियोगिताको छनोटका लागि जनवरी अन्तिम साता काठमाडौंमा ‘फेस अफ द वल्र्ड नेपाल–२०१७’ आयोजना गरिने छ । त्यसका लागि आयोजक संस्थाले झापा, जनकपुर, वीरगञ्ज तथा काठमाडौंमा प्रारम्भिक चरणको अडिसन सम्पन्न गरिसकेको छ ।
उक्त अडिसनबाट १४ जना पुरुष तथा ७ जना महिला प्रतिस्पर्धीहरु छनोट भैसकेका छन् । निर्णायक प्रतियोगितमा २५ जना महिला तथा २५ जना पुरुषलाई सहभागि गराउने आयोजक संस्थाको लक्ष्य छ ।

‘हामी यतिबेला अनलाईनबाट समेत अडिसन लिइरहेका छौं, संस्थाका नेपाल निर्देशक कर्ण भन्छन्—‘आउ“दो शुक्रवारसम्म अडिसन गरेर शनिवारदेखि २५ जना महिला तथा २५ जना पुरुष छनोट गरेपछि उनीहरुलाई ग्रुमिङ कक्ष्ाँमा सहभागि गराइने छ ।’

कर्ण आफ्नै व्यक्तिगत पहलमा वर्ष २०१६ मा लन्डनमै सम्पन्न फेस अफ द वल्र्ड—२०१६ मा सहभागिता जनाएर सेकेण्ड रनर्स अप तथा रन वे मोडलको उपाधि जित्न सफल भएका थिए । उपाधि जितेलगत्तै कर्णले उक्त प्रतियोगितामा नेपालको सहभागिता सुनिश्चित गर्न आयोजक संस्थाको फ्रेन्चाइसका लागि पहल गरेका थिए ।

उक्त संस्थाले नेपालमा राष्ट्रियस्तरको प्रतियोगिता आयोजना गरेर नेपालकै प्रतिनिधित्व गर्ने एक जना विजेतालाई सहभागिताको मार्ग प्रसस्त गरेपछि फेस अफ द वल्र्ड नेपाल संस्था स्थापना गरिएको हो ।

फेस अफ द वल्र्ड नेपालमा सहभागिता जनाउने प्रतियोगिहरु अविवाहित हुनु पर्ने, पुरुषको उचाइ कम्तीमा पाँच फिट तीन ईन्च तथा महिलाको पाँच फिट ३ ईन्च हुनु पर्ने नियम बनाइएको छ ।

चलचित्र ‘गाँठो’ की नायिका नम्रता श्रेष्ठले प्रतियोगिहरुलाई करिव तीन साता लामो प्रशिक्षण दिने छिन् । निर्णायक प्रतियोगितामा फेस अफ द वल्र्ड यूकेका प्रतिनिधीका साथै अन्तर्राष्ट्रिय मोडलहरु निर्णायकको रुपमा सहभागि हुने फेस अफ द वल्र्ड नेपालका नेपाल निर्देशक पियुस कर्णले स्पष्ट पारेका छन् ।

269 पटक पढिएको
Loading...

प्रतिक्रिया दिनुहोस

NIC Asia below taja khabar
Bajaj below taja samachar
RITZ sports right side Samsung health right side Samsung health right side bottom