सस्पेन्स थ्रिलर चलचित्र चि मुसी चिको ट्रेलर रिलीज

शुक्रबार, असार १५, २०७५

loading...


काठमाडौ। सस्पेन्स थ्रिलर चलचित्र चि मुसी चिको ट्रेलर रिलीज भएको छ । यसअघि दुई गीत रिलीज गरिसकेको चलचित्र चि मुसी चिको ट्रेलर रिलीज भएको छ ।

यूट्युबमा रिलीज ट्रेलरले दर्शकलाई थ्रिल प्रदान गर्छ । यो ट्रेलरले दर्शकमा के कथामा छ भन्ने कौतुहलता जगाउने निर्माण पक्षले बिश्वास लिएको छ ।

ट्रेलरमा नायकद्वय सुनिल क्षेत्री र शुसान्त कार्कीको टक्कर देखाईएको छ भने नायिका अलिशा शर्माको भूमिकालाई प्रष्ट्याईएको छैन । नायक कार्कीलाई भने सिआईबी अफिसरको रुपमा देखाईएको छ । हल जानु अगाडी दर्शकलाई एक प्रकारको कौतुहलता प्रदान गर्न ट्रेलरमा सबै कुरा प्रष्ट नखुलाएको निर्देशक दिनेश श्रेष्ठले बताए । सस्पेन्स थ्रिलमा नयाँ स्वादको चलचित्र बनाएका छौँ, ट्रेलरमा जे जति दृश्य छन्  यी दृश्यहरुले त्यसलाई प्रष्ट पारेको छु निर्देशक श्रेष्ठले बताए ।

एक अर्कामा हानाथापको नियतले खेलिने खेललाई नेपाली समाजमा चि मुसी चि भनेर चिन्ने गरिन्छ । यहि आधारमा चलचित्रको कथामा पनि केहि त्यस्तै घटना हुनसक्ने अनुमान लगाउन सकिन्छ । त्यो हानाथापको केन्द्रमा नायिका हुन की भन्ने अनुमान ट्रेलरबाट गर्न सकिन्छ ।

यो चलचित्र श्रावण ११ गते रिलीज हुँदैछ । यो चलचित्रबाट नै नायक सुनिल र नायिका अलिशाले डेब्यू गर्दैछन् । यो रिल जोडीलाई नेपाली चलचित्रमा जमिरहन चि मुसी चिुले मद्दत गर्ने निर्माण पक्षले जनाएको छ ।

अरुण कुमार गुरुङ, महेश्वर खत्री, सुवास भुर्तेल, डब बहादुर गुरुङ निर्माता रहेको यस फिल्मको कार्यकारी निर्मातामा शिवराज कार्की छन् भने अनिल पाण्डे र प्रिन्स युवराज कार्की प्रस्तुतकर्ता हुन् ।

सुनिल क्षेत्री, सुशान्त कार्की, अलिशा शर्मा, शिवराज कार्की, शेखर अधिकारी, कमली वाइवालागयतका कलाकारहरुको अभिनय रहेको फिल्ममा सुनिल क्षेत्री र विक्रम स्वाँरको कोरियोग्राफी छ । बासु न्यौपानेले खिचेको फिल्मको सम्पादन भूपेन्द्र अधिकारीले गरेका छन् ।

हेर्नुहाेस  ट्रेलर :

193 पटक पढिएको
Loading...

प्रतिक्रिया दिनुहोस

Powered by Facebook Comments

janta bank Janata Bank Janata Bank