विद्यासुन्दरको साथमा ‘म छु सिङ्गो एमाले छ’

स्थानीय निर्वाचनः एमालेको पक्षमा खुले स्थापित

बुधबार, बैशाख २०, २०७४

loading...

विद्यासुन्दर भनेको काम गर्ने मान्छे हो । आज उहाँलाई काठमाडौं महानगरपालिकाको मेयरमा जिताउनु काठमाडौंका जनताको अनिवार्य दायित्व बनेको छ । उहाँलाई जित्ने स्थिति बनाउनका लागि म दिलो ज्यानका साथ लागि पर्नेछु । कुनै कसर बाँकी नराखी, म आफैँ उम्मेदवार भएको ठानेर म चुनावी मोर्चामा छु ।

०००
मैले ०४३ र ०४९ मा उपमेयरमा हारेँ । त्यसबेला मेरो लोकप्रियता नभएर हारेको होइन । जनताको बीचमा एजेन्डा लैजान नसकेर हारेका थियौँ । किनभने, हामीले जनतालाई कामबाट विश्वास जितेका थिएनौँ । हामी सानै, फुच्चे थियौँ । पञ्चायतका बूढापाकाहरुले हामीलाई हेप्थे र जनताले पनि तिनै बूढापाकाका कुरा पत्याउँथे । तर, जब ०५४ मा भारी मतका साथ मेरो नेतृत्वमा हामीले महानगर जित्यौँ, त्यसपछि काठमाडौंका जनताले हामीलाई कामबाटै चिनेँ । आज विद्यासुन्दरसँग विगतमा आफैँले देखाएको कामको विरासत छ । काठमाडौंका ३५ जना वडाध्यक्षमध्ये विद्यासुन्दर त्यस्तो वडाध्यक्ष हुनुहुन्थ्यो, जोसँग जनताका काम गर्ने दृढ इच्छाशक्ति थियो । त्यस्तो इच्छाशक्ति उहाँमा अझै पनि छ । त्यसैले अब कोही नयाँ मान्छे आउला र गरिदेला भनेर आश गर्ने होइन, हिजो काम गरेर आफूलाई जनताका बीचमा प्रमाणित गरिसकेको विद्यासुन्दर शाक्यलाई जिताउनु महानगरवासीको अनिवार्य दायित्व हो ।

BIDHYA_SUNDAR_SAKYA_LEADER_CPN_UML

०००
विद्यासुन्दरलाई म उहाँ सानै हुँदादेखि चिन्छु । उहाँ युवाहरुको अगुवाई गर्दैै गणेश युवा क्लबमा काम गर्नुहुन्थ्यो । त्यसबेला २१ वडा (लगनटोल, जैसीदेवल, भीमसेनस्थानतिर) हाम्रो पार्टीमा काम गर्ने त्यस्ता युवाहरु खाँचो थियो । ०४३ मा म पार्टी निर्देशनअनुसार जनपक्षीय उपप्रधानपञ्चमा उठेँ । त्यहाँ वडाध्यक्षमा राजेन्द्र स्थापित उठ्नुभयो । तर, उहाँलाई नेपाली भाषा बोल्नै नआउने, नेपाल भाषा (नेवारी) मात्र बोल्ने । उहाँले पछिमात्र नेपाली भाषा बोल्न जान्नुभएको हो । तर, विद्यासुन्दर नेपाली भाषा पनि दुरुस्तै बोल्ने । त्यसपछि हामीले विद्यालाई पार्टीमा सक्रिय बनायौँ ।

उहाँको सक्रियताबाट त्यो वडामा पार्टी निक्कै लाभान्वित भयो । उहाँले उठेको कुनै पनि चुनाव हार्नु परेन । उहाँले मिलाउनका लागि पहल गरेका जनताका कुनै पनि समस्या नमिलेको रेकर्ड छैन । ०५४ मा म मेयर भएर जाँदा विद्यालाई मैले पनि त्यति धेरै पत्याएको थिइनँ । तर, केही कामहरु गर्दै जाने क्रममा म आफैँ चकित खाने गरी उहाँले आफूलाई प्रमाणित गर्नुभयो । अब उहाँले काठमाडौंका सारा जनताले चकित खाने गरी काम गर्नुहुन्छ, त्यसैले उहाँलाई मेयरमा जिताउनै पर्छ ।

०००
हिजो उम्मेदवारी दावी गरिरहँदा मैले काठमाडौंलाई स्मार्ट सिटीका रुपमा विकास गर्ने जेजस्ता योजना अगाडि सारेको थिएँ, ती योजना अब स्वतः नेकपा (एमाले) को सम्पत्ति बनेको छ । तिनै योजना विद्यासुन्दर शाक्यका पनि हुन् । म साथमा छु, हाम्रो पार्टी हामीसँगै छ । त्यसैले अब काठमाडौंमा मेट्रो ट्रेन चल्ने, युरोपेली दुनियाँलाई बिर्साउने मल्टीप्लेक्सको निर्माण गर्नेजस्ता कामहरु विद्यासुन्दरले जितेको भोलिपल्टदेखि अगाडि बढ्छ ।

तपाईंहरु विश्वस्त हुनुस् कि, अहिले काठमाडौंमा उडिरहेको धुँवा र धुलो विद्यासुन्दर कमरेडले जितेको एक हप्ताभित्र बन्द हुन्छ । धुँवा र धुलो नियन्त्रण गर्ने केमिकलको पहिचान भइसकेको छ । एमालेले काठमाडौंमा जित्नेबित्तिकै त्यसको आयात गर्ने काम अगाडि बढ्छ ।

(विश्वमणिसँगको कुराकानीमा आधारित) रातो सूर्य बाट

8771 पटक पढिएको
Loading...

प्रतिक्रिया दिनुहोस

NIC Asia below taja khabar
Bajaj below taja samachar
RITZ sports right side Samsung health right side Samsung health right side bottom