बलात्कार किन हुन्छ, दोषी को, न्यूनिकरण कसरी गर्ने ?

शनिबार, चैत्र ३, २०७४



माघ ११ गते दर्बारमार्ग स्थित ल्याण्डमार्क होटलमा सामुहिक बलात्कारको सिकार भइन एक युवती । चारजनाको समुहमा आएका व्यक्तिहरुले युवतीलाई बलात्कार गरि घटनालाई सहजै दवाउन खोजे । तर, पछि दोषिमाथी कारबाही भयो । त्यस्तै माघ २० गते काठमाडौं बुद्धनगरमा अर्काे बलात्कारको घटना भयो । २२ वर्षीया युवतीलाई आफ्नै केटी साथीको माध्यमबाट आएका व्यक्तिले बलात्कार गरे । यी दुई घटना प्रतिनिधि पात्र मात्रै हुन् । यस्ता घटना दिनहुँ भइरहेका छन् । बलात्कारका घटना बढ्नुका कारणबारे वरिष्ठ मनोपरामर्शदाता गंगा पाठकसँग नेपालपाटी डटकमकी बविता ढकालले गरेको कुराकानी ।

बलात्कार घटना निरन्तर भइरहेका छन् किन ?
आफुलाई मात्र सोच्ने, भोलिको कुराको ख्यान नराख्ने र उसले गरेका कार्यले अरुलाई कस्तो असर गर्छ भनेर नसोच्ने व्यक्तिबाट बलात्कारका घटना भइरहेका छन् । बलात्कारका घटना हुनुका मुख्य कारणः
– मानसिक सन्तुलन बिग्रेको नभई, मानसिकस्तर कमजोर भएको
– सानैदेखि सुनेका कुराबाट प्रभावित भएको
– या आफै बलात्कृत भएको छ भने त्यसले पारेको प्रभावबाट पनि बलात्कारका घटना हुन्छन।
– र अहिले इन्टरनेटको माध्यमबाट अश्लिल भिडियोहरूको प्रभावबाट पनि यस्ता घटना हुने गरेको देखिन्छ ।

अहिलेसम्मका घटनालाई हेर्दा कस्ता व्यक्ति बलात्कृत हुन्छन् ?
जसले प्रतिकार गर्न सक्दैनन् त्यस्ता व्यक्ति बलात्कृत हुने गरेको देखिन्छ । जसमा बालिका र बृद्धा महिला पर्छन् । पहिलो कुरा त बालिका र वृद्धामाथि मन्द मानसिकता भएका व्यक्तिले बलात्कार गर्छन । किशोरीहरू माथी हुने बलात्कार भने अलि फरक छ । किशोरी वा युवा महिलामाथी हुने बलात्कारमा एउटा केटा मात्रै दोषि हुँदैन, त्यसमा त्यो बलात्कृत हुने किशोरी या महिलाको पनि दोष हुन्छ । जबसम्म हाउभाउ त्यो स्तरको हुँदैन तबसम्म युवा महिला वा किशोरी बलात्कृत हुँदैनन् ।

महिला आकर्षित भएकाले पनि बलात्कारसम्म पुग्ने गरेको उदाहरण छन् भन्न खोज्नु भएको हो ?
हो । किशोरी या युवा महिलाहरू दिएको लिफ्ट वा हाउभाउ भन्नाले कस्तो भने यदि कोही रिलेशनसिपमा छन् । आफ्नो प्रेमीसंग एकान्तमा गएर नबस्ने, होस हराउने जस्ता पेय पदार्थ पिएर नहिड्ने वा भनौं अल्कोहल वा नशाको सेवा नगर्ने हो भने पनि बलात्कारका घटनाबाट किशोरीहरु जोगिन सक्छन् । तर, हामी आफ्नो प्रेमीलाई कसरी अविश्वास गर्ने भन्नेमा हुन्छौं र कहिलेकाँही विश्वास गरेकाहरूबाटै बलात्कृत हुन पुग्छन महिलाहरू । तर यो एउटा मात्रै फ्याक्टर मात्रै हो । सामुहिक बलात्कारको घटना धेरै मात्रमा भइरहेका छन् । त्यो अवस्थालाई हामी अस्वस्थ मानसिकता भएका मान्छेले गरेको कु कृत्य भन्छौ । हुन त जुनसुकै आपराधिक घटना स्वस्थ मानिसले गराउन सक्दैन ।

बलात्कारका घटना हुने कारण के देख्नुहुन्छ ?
मुख्य कारण आफ्नो सेक्सुअल डिजायरलाई नियन्त्रण गर्न नस्कने व्यक्तिहरुबाट बढी मात्रमा बलात्कारका घटना हुने गर्छ ।
पहिलोे कारणः व्यक्तिको मानसिक अवस्था हो । व्यक्ति मानसिक रुपमै विखण्डित छ भने उसले तत्कालको अवस्थालाई मात्र हेरेर बलात्कार गर्छ । व्यक्तिको बौद्धिक आइक्यु, सामाजिक आईक्यु र इमोशनल आईक्यु व्यालेन्समा रहन्छ भने उबाट कुनै पनि आपराधिक घटना हुँदैन ।
दोश्रो कारणः बदलाको भावनाले बलात्कारका घटना भएको पनि देखिन्छ । आफुले मन पराएको केटीले अरुनै केटालाई मनपराएको भन्दै उक्त केटीलाई आफु बिरामी छु भनेर आफ्नै घरमा बोलाएर केटीलाई बलात्कार गरेको घटना पनि छन् ।
तेश्रो कारणः परिवार र विद्यालयबाट यौन शिक्षाका बारेमा राम्रो जानकारी नपाउँदा पनि यस्ता घटना हुने गरेका छन् ।
चौथो कारणः स्वयं केटी मान्छे आफैं सजग हुन नसक्दा पनि बलात्कारका घटना भएका छन् ।
पाँचौं कारणः हाम्रो घरपरिवार र विद्यालयमा सुरक्षित कसरी हुने भन्ने सिकाई हुँदैन र प्रतिवाद गर्ने महिलाहरूको आवाजलाई नै दवाउन खोजिन्छ । एउटा महिला बलात्कृत भइन् र उनले आवाज उठाईन भने उनलाई नै गलत मान्ने र न्याय नपाउने भएका कारण पनि बलात्कारका घटनाहरु दिनप्रति दिन भइरहेका छन् । मुख्य कारण कमजोर न्यायप्रणली, बलात्कारका घटनाका दोषिले पाईरहेको उन्मुक्ति नै हो ।

आफ्नै घरमा किन सुरक्षित छैनन् बालिका ?
सबैको मुख्य कारण भनेको आफुभित्रको यौन तृष्णा, जस्लाई जुन तरिकाबाटपनि तृप्त पार्न खोज्नु नै हो । यौन पिपाषुहरुले आफ्नो छोरी, दिदी, बहिनी वा आफन्त केही देख्दैनन् बस हवस पुरा गर्ने बाटो मात्र खोज्छन् । र बाहिर भन्दा घरमा भएको घटनामा आफन्त पनि चुप बस्छन् । यसकारण घरभित्र झन् बलात्कारका घटना मौलाएको छ । पारिवारले नै यस्ता घटनालाई ढाकछोप गर्दा बलात्कारका घटना बढिरहेका छन् ।

कसरी न्यूनिकरण गर्ने त यस्ता घटनालाई ?
मुख्य रुपमा यौन शिक्षालाई खुलेर सिकाइनुपर्छ । यौन शिक्षाका विषयमा खुलेर बहस हुने हो भने यस्ता घटनामा कमि आउँछ । त्यसको लागि घरबाटै सुरु हुनुपर्छ । आमा बाबुले आफ्ना छोराछोरी दुबैलाई समानव्यवहारका साथै उनीहरु भित्र भएका यौन जिज्ञाशालाई सहज रुपमा खेलेर जानकारी दिनुपर्छ । त्यस्तै विद्यालयमा यौन शिक्षाका बारेमा खुलेर सिकाई हुनु जरुरी । साथसाथै सेल्फ डिफेन्सका कुराहरु पनि सिकाईनुपर्छ । जसका कारण सजिलै कुनै पनि केटी मान्छे बलात्कृत हुन पाउँदिनन् ।

सरकारी तवरबाट के गर्नुपर्छ ?
हरेक विद्यालयमा यौन शिक्षाका बारेका खुलेर पढाउने व्यवस्था हुनुपर्छ । राज्यका कानुन व्यवहारमै आउनुपर्छ । कार्यान्वयन भएन भने कानुन बनाएर मात्रै केही पनि हुँदैन । पीडिक पक्ष खुलेआम हिडिरहने र पीडित पक्ष लुकेर बस्नुपर्ने अवस्थाको अन्त्य गर्नुपर्छ ।

गैरसरकारी संस्थाको भूमिका कस्तो देख्नुहुन्छ ?
जतिपनि सामाजिक काम गर्ने भनेर एनजिओ आइएनजिओहरु संचालनमा छन, उनीहरूले पीडितको भावना नै बुझेका हुँदैनन् । एक दुईको वकालतपछि त्यस्ता घटनालाई सजिलै भुल्ने काम भइरहेको छ । कमसेकम पीडितको भावनाको कदर हुनुपर्छ । पीडितले उचित न्याय नपाउन्जेल लागि पर्नुपर्छ । आफ्नो दुःखलाई दुःख र अर्काको दुःखलाई सहानुभूति दिएर मात्रै हुँदैन । न्याय दिलाउने काममा लाग्नुपर्छ ।

यो पनि पढ्नुहोस्

‘सामूहिक बलात्कार’ प्रहरीद्वारा गुपचुप

बलात्कार भएकी पीडित महिलाका कपडाको प्रदर्शनी !

बलात्कारको घटना मिलाउने दुईजना पक्राउ

‘जधन्य अपराधका घटना बढ्दा पनि पार्टी, जनसंगठन र जनप्रतिनिधि किन मौन ?’

महिना दिनसम्म गुपचुप बालिका बलात्कार

फेरि सामुहिक बलात्कार

हेडसरले सुतेकै ठाउँमा महिलालाई बलात्कार गरेपछि..

१२ वर्षीया बालिकाको बलात्कार पछि हत्या

सुत्केरी बलात्कृत

2137 पटक पढिएको
Loading...

प्रतिक्रिया दिनुहोस

Powered by Facebook Comments

janta bank Janata Bank Janata Bank