रुघाखोकी र ज्वरो आएपछि ८ जनलाई अस्पताल पठाइयो



इलाम । इलाममा कोरोना भाइरसको सम्भावित लक्षण देखिएका ८ जनालाई कोशी अस्पताल विराटनगर पठाइएको छ ।

भारतको नयाँ दिल्लीबाट काँकडभिट्टा नाका हुँदै नेपाल आएका इलाम नगरपालिका–४ बरबोटेका ३३ वर्षीय एक पुरुषसहित ८ जनालाई अस्पताल भर्ना गरिएको हो ।

उनीहरुमा रुघाखोकी, ज्वरो आउने, सुक्खा खोकी लाग्ने जस्ता समस्या देखा परेपछि बिहीबार साँझ साढे ५ बजे जिल्ला अस्पताल इलाम लगिएको थियो ।

तर चिकित्सकले उनीहरुलाई सुविधा सम्पन्न अस्पतालमा लैजान सुझाव दिएपछि उनीहरुलाई प्रहरीले कोशी अस्पताल विराटनगर पठाएको छ ।

प्रतिक्रिया दिनुहोस

Powered by Facebook Comments