मेरो सपना जलेको दिन

मङ्लबार, बैशाख २६, २०७४

loading...

- शोभा न्यौपाने



- शोभा न्यौपाने

२०६५ सालको बैशाख २६ गते । आमा, बुबा, दाइ, भाउजुसँग बसेर चिया पिउँदै थिएँ । अचानक फोनको घण्टि बज्यो । अर्कातर्फबाट मलाई नै खोजिएको रहेछ । भक्कानिएको स्वरमा पुरुष आवाज सुनियो– म अशोकको दाइ केशब बोल्दैछु । कसरी भनौं तिमीलाई कि म अशोकलाई लिएर आर्यघाट जाँदैछु ।

एउटा सानो सूचना तर त्यत्ति नै मेरो जीवनमा तुफान ल्याउन काफि थियो । एकाएक सन्नाटा छायो । गन्तब्य नभेट्दै एउटा यात्रा टुङ्गियो, आफैंले रोजेको बाटोमा आफैं अलपत्र परियो । त्यो दिन पहिलो पटक मैले धेरै नजिकबाट मान्छे जलेको देखें, मेरो चार बर्षको छोरोले पनि देख्यो हुरहुरी बलिरहेको एउटा जीवन ।

अक्षय तृतियाको त्यो दिन आर्यघाटको चितामा जल्ने त्यो व्यक्ति मेरो आफ्नै पति थिए । त्यस दिन त्यो चितामा पत्रकार अशोक श्रेष्ठसँगै हामीले साथसाथै देखेका धेरै सपनाहरु अधुरैमा जल्दैथिए । जीवनका खाँबाहरु भकाभक ढलेको देख्यौं हामी आमाछोराले र देख्यौं खरानी हुँदै गएका रङ्गिन अनुभुतिहरु ।

आज अक्षय तृतिया होइन तर बैशाख २६ गते हो । जीन्दगीलाई दुखाउन यही मिति काफि छ ।

704 पटक पढिएको
Loading...

प्रतिक्रिया दिनुहोस

Powered by Facebook Comments

Nic Asia
dashain suvakamana
Janamat health right side janta bank saral flyer Below blog adv