यौनकर्मी महिला : छोडौँ बाँच्ने आधार छैन, रोजौँ मन खुशी छैन

loading...

बिहिबार, मंसिर १६, २०७३



सूर्यले थानकोटको उकालो चढ्दै छ । दिउँसो तितरवितर मान्छे विस्तारै बाक्लिैदै छन् । रत्पपार्कको पश्चिम वीर अस्पतालको अगाडी सडक पेटीमा ठेलम-ठेलको अवस्था छ । मंसिरको चिसो बढ्दैछ मान्छेहरु जीउ न्यानो पार्न घामसँगै सर्न खोजीरहेका छन् । त्यही भीडमा निलो कुर्ता सुरुवाल लगाएकी अन्दाजी २८ बर्षकी युवतिले भने छाता ओडेकी छन् । यस्तो जाडोमा छाता ? मलाई अचम्म लाग्यो । तीनको बारेमा जान्न मन लाग्यो । पहिलो प्रश्नमा नै थाहा भयो उनी यौनकर्मी रहिछन् ।

किन रोजिन यो पेशा उनकै शब्दमा ।

नाम मेरो रीना
घर सिन्धुपाल्चोक हो ।
बसाई ? बसाईको भने कुुनै ठेगान छैन ।

जसले जता लैजान्छ उतै हुुन्छ बसाई । भूकम्पमा बुवा आमा भाईसहित सबै परिवार गुमाए । म मामाघर काभ्रे आएकाले बाच्न सफल भए । जुनदिन म बाँचे त्यहीदिनबाट मरो दूूर्भाग्य भयो । घर फर्किए बाँच्ने मान्छेहरु भन्दा मर्ने मान्छेको संख्या बढी थियो । सबैजना गाउँ छाड्ने क्रममा थिए । म आफन्तको सहयोगले बाच्ने साहारा खोज्दै मामा घर काभ्रे फर्किए ।

‘बेश्या’सँग बिताएको साँझ

मामाघरमा भूकम्पले कसैको ज्यान नलिएपनि घरभने क्षति भएको थियो । अस्थायी पालमा बसोबास थियो । सबै परिवार गुमाएकाले सुरुमा सान्त्वनाकी पात्र बनेकी ममाथि मामा माइजुुको दया नै थियो । तर विस्तारै अभाव, समस्याले म बोझ बन्न थालेपछि माइजुको तारो बने । रातदिनको गाली सहन नसकेपछि म खबरै नगरी काठमाडौं आइपुुगे । काठमाडौमा त आए जाने ठाउँ थिएन । रत्नपार्कको बसपार्कमा लगभग दिउँसो ४ बजे झरेपछि त्यही छेउमा उभिए ।

उनको संगतले केहीदिनमै म पनि उनकै पेशामा तानिए । कमाई त ठीकै हुन्छ दिनमा हजार १५ सय भइनै रहन्छ । तर, आफुले रोजेको बाटोप्रति आफै धिक्कार लाग्छ ।

सुरुमा त मान्छेको भीडभाड हेर्दा-हेदै समय वितिरहेको छ जब रात पर्न थाल्यो अनि भने मन आत्तियो । एक मनले साचे मामाघर नै फर्केर जान्छु । अर्को मनले कुनैकाम खोज्छुु र आजको रात बस्ने ब्यवस्था मिलाउछु भन्ने विचार गरे । त्यही क्रममा करिव ४५ बर्षको एक जना दिदीलाई आफ्नो बाध्यता सबै सुनाए । चिन्ता नलिन भन्दै ती दिदीले आफैसँगै राख्ने बताएपछि ढुुङ्गा खोज्दा देउता मिले झै भयो ।

मलाई छेउमा उभिन भन्दै ती दिदी केटामान्छेहरुसँग गफ गरिहन्थीन । कति धेरै मान्छेसँग चिनजान मलाई काम खोजेको होला भन्ने लागेको थियो । जब रातीको सात बज्यो दिदीले आफुसँगै जान भन्दै एउटा ट्याक्सीमा राखिन । सँगै एकजना अधवैसे केटा पनि थिए । त्यो केटा मान्छेले मेरो बारेमा निकै सोधी खोजी गरेपनि ती दिदीले आफ्नै बहिनी भएको र गाउँबाट आएको बताइन ।

राती एउटा होटलमा पुगियो । भोलिपल्ट मात्रै थाहा भयो त्यो ठाउँ गौशाला रहेछ । ती दिदी रातभर ती केटा मान्छेसँगै बसिन मलाई एक्लै राखिन । ती को हुन ? भनेर निकै सोधी खोजी गरेपछि ती दिदीले आफ्नो बाध्यता सुनाउँदै आशुुँ झारिन । साउदी अवरबाट दुुईबर्ष अघि नेपाल आएकी उनी  श्रीमानले सबै पैसा खाएर अर्की लिएर भारत छिरेपछि अलपत्र परेकी रहिछन् ।

एक छोरालाई होस्टेलमा राखेर आफुने त्यही यौनकर्मबाट आएको पैसाले उनको खर्च बेहोरेकी रहिछन् । उनको संगतले केहीदिनमै म पनि उनकै पेशामा तानिए । कमाई त ठीकै हुन्छ दिनमा हजार १५ सय भइनै रहन्छ । तर, आफुले रोजेको बाटोप्रति आफै धिक्कार लाग्छ । झण्डै एक बर्ष भयो हरेक दिन उही काम गरिरहेकी छु। छोडौ बाच्ने आधार छैन रोजौ मन खुसी छैन ।

कुराकानीमा आधारित : नाम परिवर्तन गरिएको हो ।

4686 पटक पढिएको
Loading...

प्रतिक्रिया दिनुहोस

NIC Asia below taja khabar
Bajaj below taja samachar
RITZ sports right side Below samsung cement health right side Samsung health right side Samsung health right side bottom