दलितले छोएको खान्छु, बाहुनले छोएको खान्न

शनिबार, मंसिर २५, २०७३

loading...

- सम्झना पौडेल



म दलितले छोएको खान्छु । भोटे, सार्की ,कामी ,दमाइ ,पोडे, मगर सबैले छोएको खान्छु । तर यादहोस जो धर्मको नाममा पुरातनवादी सोचले लिप्त भएर आफुलाई कट्टर बाहुन भनेर दाबी गर्छन, आज उप्रान्त त्यस्ता ब्यतिmहरूले दिएको केही खाइने छैन । मुस्लिम, थारु, मधेसी, आदिवासी ,जनजाति, धन र गरिब सबै मेरो लागि एकै हो ।

खासगरी मानिसको पुरातनवादी विचारधारा भएको कारणले यस्ता जातिय भेदभावका घटनाहरू अझैपनि जरा गाडेर बसेका छन् । तर कहिँ यस्तो अवस्था पनि हुन्छ जहाँ मनिसहरूले धन दौलत भएका महिलाहरूलाई दलितको आरोप मारेर धन लुट्न खोज्छन ।

samjhana

सम्झना पौडेल

जातीय भेदभाव तथा छुवाछूत घटनाका पीडितलाई तत्काल उद्धार नगर्दा जीवनमाथि पैदा हुन सक्ने सङ्कट आएको छ । शक्तिका आडमा मानवाधिकार उलङ्घङ्नका घटना दबाइने गरेको छ । अझैपनि दलित समुदायभित्रका सबै जातजाति र महिलाको प्रतिनिधित्वको सुनिश्चितता नहुनु अत्यन्तै दुखलाग्दो कुरा हो ।

असमानता, जातीय भेदभाव तथा छुवाछूतको अन्त्य, समतामूलक, शान्तिपूर्ण र समृद्ध समाज निर्माण आजको आवश्यकता हो । छुवाछुत र भेदभावको प्रथा पहिलेदेखि चलि आएको कुप्रथा हो । आजको आधुनिक युगमा विज्ञान र प्रविधिले धेरै कुरा बुझाईसकेको भएपनि  अझै यस कु प्रथामा विश्वास गर्नेहरू धेरै छन् । यहि कारण अहिलेसम्म पनि  दलितहरूले दुख भोग्नु परेको छ ।

होइन, यो धर्मको नाम कहिलेसम्म पीडित हुने ? नेपालीहरू दलितहरू एकढिक्का नभएकै कारण समाजमा अझै पनि दलितहरूमाथि अनेकन हतकन्डा अपनाउन थालेका छन् । दोषीलाई हदैसम्मको कानुनी कारवाही होस र यस्ता अपराधिक कृयाकलापका बिरुद्ध समाजका सचेत ब्यक्तिहरू जुट्न जरुरी छ ।

उच्च कुलघरानामा मानिसलाई तल्लोजात भन्दै हेला गर्छन । यहाँ तल्लो जात माथिलो जातभन्ने कोही छैन हामी सबैको नकारात्मक सोच अनि रुढीबादी परम्परा हो ।

धामीझाँक्री र भूतप्रेत अन्धविश्वासका पात्र हुन । दलित भन्दै भाडावालालाई अपमानजनक ढंगले डेराबाट निकाल्ने घरधनी हरू यहि समाजमै छन् । दलित भएकै कारण  बेइज्जतीपूर्ण ढंगले घरबाट निकालेका यो समाजका कीराहरू अझै छन् ।

शदियौँदेखि उत्पीडनमा रहेका दलित समुदायलाई वास्तविक रुपमै कसरी मुक्त गराउन सकिन्छ भनेर अब गहिरो र विस्तृत छलफल चलाउन जरुरी छ ।

11245 पटक पढिएको
Loading...

प्रतिक्रिया दिनुहोस

Powered by Facebook Comments

Nic Asia
dashain suvakamana
Asia Pacific Trade Concern Janamat health right side janta bank saral flyer Below blog adv