स्ववियु निर्वाचन : समस्या र समाधान

शुक्रबार, पुस १५, २०७३

loading...

- बिकास रेग्मी



  फागुन १४ मा त्रि.बिले स्ववियु निर्वाचनको   घोषणा गरेको कुरा धेरै संचार माध्यमबाट सुन्नमा आयो । तर बिभिन्न संघठनको आ-आफ्नो स्वार्थका कारण निर्धारित समयमै निर्वाचन हुने संभावना धेरै नै न्यून छ ।

९ बर्षसम्म निर्बाचन नहुँदा क्यापस प्रतिनिधि बिहिन छ । जसको फाइदा क्यापस प्रशासनले उठाई विद्यार्थीहरुको अधिकार माथि बञ्चरो हान्ने काम भोइरहेको छ । यी सबै घटना र सत्यलाइ आत्मासात गर्दै अब हामी परिवर्तनशिल विद्यार्थीहरु एक जुट हुने बेला आएको छ ।

म बिए.एल.एल.बि तेस्रो बर्षमा अध्यानरत पृ पृथ्वी नारायण क्याम्पस, पोखराको विद्यार्थी भएको नाताले सबै विद्यार्थी संघठनका नेता साथीहरु र विद्यार्थी साथीहरु माझ आफ्नो बिचार प्रस्तुत गर्दछु । हामी २१ औ शताब्दीका लोकतन्त्रवादि, परिवर्तन र बिकासका पक्षधर विद्यार्थीहरु भएकाले लोकतन्त्रको एउटा अभिन्न पाटो निर्वाचनलाई मान्नु हामी सबैको कर्तव्य हो । निर्वाचन लोकतन्त्रको आधार हो ।

निर्वाचन बिनाको लोकतन्त्रको कुनै अर्थ हुदैन । जब हामीले जन आन्दोलनबाट लोकतन्त्रको स्थापना गरौं तर त्यसलाई व्यवारमा लागू गर्न आज १२ बर्ष बितिसक्ता पनि हामी सकिरहेका छैनौं । यो दुःखका साथ भन्नु पर्छ र यो सत्य पनि हो कि नेपाल व्यवारमा लोकतान्त्रिक मुलुक होइन । क्याम्पस एउटा शिक्षित व्यक्तिहरुको जमात हो ।

यहाँ सिकाउने र सिक्ने काम हुन्छ । तर बिडम्बना यही जमातमा लोकतन्त्रको बलत्कार गरिन्छ । देशका शिक्षितहरुको भिडमा त लोकतन्त्रको अभ्यास हुँदैन र लोकतन्त्रको आभास हुँदैन भने देशका गाऊँ बस्तीहरुमा कहिले आउछ लोकतन्त्र ?
देशका विद्यार्थी संघठनहरु आफ्नो आन्तरिक बिबादमा फस्नु , विद्यार्थीको हित भन्दा आफ्नो संघठनको हितमा केन्द्रित हुनु, सरकारले निर्वाचन हुने वातावरण नबनाउनु, र त्रि।बिको लापरबाइ, निर्वाचन नहुनुका मुख्य कारणहरु हुन् । वर्तमान अवस्थामा सरकारको मुख्य कार्यदिशा भनेको संबिधान कार्यनयनका लागि स्थानय निकायको निर्वाचन र विद्यार्थीका शैक्षिक मुद्दाका लागि स्ववियु निर्वाचन हो ।

तर सरकार दुइटै कामलाई बेवस्ता गर्न लागि परेको छ । संविधान कार्यनयन हुन नपाइ संसोधनको मुद्दा अघि सारेर निर्वाचनबाट सरकार टाढा भाग्दै छ । यता विद्यार्थी संघठनहरुमा गुट र उपगुटको बिबाद चरम उचाईमा पुगेको छ । केहि संघठनमा आफु निर्वाचनमा गए पराजय हुने देखेपछि निर्वाचन नै हुन नदिन लागि परेका छन् ।

निर्वाचनबाट डराउनु लोकतन्त्रको धोजी उडाउनु हो । त्रिबि निर्वाचन गर्न मिति त तोक्छ तर निर्वाचन गर्न पहल गर्दैन । यी सबै समस्याबाट जुधै तोकिएको समयमा निर्वाचन गर्नु अहिलेको अबस्थामा फलामको चिउरा चवाउनु जस्तै भएको छ ।

अहिले चर्चामा आएको बिषय उमेरको हकबन्दी लाउने नलगाउने भन्ने पनि छ । विद्यार्थीको मुद्दा सधै क्याम्पस आई रहने नेताले मात्र बुझेको हुन्छ । नेता हुनको लागि क्याम्पस कुर्ने परिपाटी अहिले विद्यार्थी राजनीतिमा हाबी छ । पढ्न भन्दा पनि राजनीति गर्नका लागि क्याम्पस छिर्ने जमात छ ।

राजनीति गर्नका लागि क्याम्पस नछोड्ने  र उमेरले डाँडा काट्दा पनि विद्यार्थी राजनीति   नछोड्ने संस्कारको अन्त्यकालागि पनि उमेकोको हकबन्दी आवस्यक छ । क्याम्पस गेट बस्ने नेता होइन अबको आबस्यक कक्षा भित्र पस्ने नेता हो । अबको स्ववियु निर्वाचनमा उमेरको हकबन्दी लागू गरियोस् ।

फागुन १४ मा स्ववियु निर्वाचन गर्न यही अबस्तामा निकै मुस्किल छ । तर बिद्यार्थी संघठनले आफ्नो हट त्याग्ने र सरकारले उचित वातावरणको श्रीजना गर्ने हो भने सम्भव छ । निर्वाचन गर्न नसक्ने हो भने संघठनका वर्तवान नेतृत्य र वर्तवान सरकार माथि कालो दाग लाग्ने निश्चित छ ।

    इलाम, हाल  पोखरा

902 पटक पढिएको
Loading...

प्रतिक्रिया दिनुहोस

Powered by Facebook Comments

Nic Asia
dashain suvakamana
Asia Pacific Trade Concern Janamat health right side janta bank saral flyer Below blog adv