खुशीलाई बिजयराजको प्रेमपत्र

loading...

मङ्लबार, फाल्गुन ३, २०७३



प्रिय खुशी
जिन्दगीका अशिम प्यारका लहरहरु, मेरो समिपमा भएका वा त्यो क्षितिज पारी बादलमा भएका सबै संगमका रागहरु केबल तिम्रो नाममा । मेरो प्रेमले भरिएका भावपुर्ण शाब्दीक पुष्पगुच्छारुपी भाबनाहरु यो सात समुन्द्रपारीको देशबाट तिमीप्रति समर्पण । जीवनलाई रंगीन बनाउन जरुरीपर्ने सबै रगंहरु तिम्रो नाममा अर्पण गर्दै आज केही शब्द यो प्रेम पत्र मार्फत तिम्रा लागी ब्यक्त गर्दैछु ।

खुशी, आज तिमिलाई यो पत्र कोर्दै गर्दा म दोहाको सुन्दर ठाँउ कर्नेसको म्युजियम पार्क माथिको अग्लो ठाउँबाट समुन्द्रपारी देखिने त्यो सिटि सेन्टरका गगन चुम्बी महलहरुलाई हेर्दैछु । किन थाहा छ खुशि ? जिन्दगीमा सुन्दरता निकै कम चिजहरुमा भेटिन्छ रे । सायद मैले त्यो ठाउँको सुन्दरतालाई तिम्रो सुन्दरतासँग जोडेर तिमि मेरो नजिक मेरो आँखा वरीपरी नै भएको आभाष गर्दैछु । हुन त म आज यो पत्र लेख्नको लागी मात्र यहाँ आएको होईन जब जब तिम्रा यादहरु आउँछन अनि म यही पार्कमा बसेर केही घण्टा रमाउँने गर्छु । अझ यो त झन प्रेमको महिना तिम्रो याद र यो ठाउँ त मेरा लागी निकै आनन्ददायी लाग्छ ।

अंग्रेजी क्यालेण्डरको १४ फेब्रुअरी आजको यो दिन मैले मेरो जीवनको खास समय सुरु गर्दैछु खुशी । आज मैले अचानक तिम्रो नाममा यो प्रेम पत्र लेखेर म मेरो खास जिबन सुरु गर्दैछु भन्दा तिम्रो आँखाबाट आँशु खस्छ वा झन् भएको पे्रम पनि मरेर जान्छ त्यो मलाई थाहा छैन । तर तिमीले यो प्रयासलाई मेरो हिम्मत सम्झ वा दुस्साहास दुबै स्वीकार्य छ तर सुरुवातमै यो बिन्ती गर्छु माया गर्दीनौ भने घृणा चाही नगर्नु है ।
माया गर्नेहरु का लाागी हर मौसम मायाले भरिएको हुन्छ, त्यसैले मेरो पनि हर मौसम मायालेनै भरिएको छ किनकी म तिमिलाई प्रेम गर्छु खुशी । भलै तिमीलाई मैले गर्ने मायाको आभाष होला नहोला ।

मायामा खुशी भेट्नेहरुको दिन आजको दिन कुनै पनि हिसाबले अर्थपुर्ण रहन्छ खुशी । यही अर्थपुर्ण दिनलाई मैले आज मेरो प्रेमको बिजारोपण गर्ने दिनको पहिलो घडी सम्झेको छु । बीच समुन्द्रको छालहरुले तिम्रा यादहरु सात समुन्द्रपारीबाट हुत्याएर ल्याईदिन्छन । अनि म मौनतामै आफ्नो प्रेम संचय गरेर राख्छु किनकी मायाको संसारमा मायाकै अभाब नहोस् भनेर । प्रिय खुशी मायाका भाबहरु कसरी सुरु हुन्छन् त्यो त मलाई थाहानै छैन अझै यो सम्म भनौ कि रोमियो जुलियट र लैला मज्नुका प्रेम अध्यताहरुले पनि ब्यक्त गर्न सकेनन् होला तर तिमी प्रति आज मेरो मनमा जुन प्रेमको विजारोपण भएको छ नी त्यो विजारोपणले अर्को रोमियो जुलियटलाई जन्म दिने भाबना प्रति प्रेरीत गरेको महसुस गरेको छु ।

मेरो मनले त आज पनि के के सोचिरहेको छ तिमि प्रति यो पत्र लेख्दै गर्दा । धेरै डर, थोरै खुशी, मुटुको कम्पनले लेख्ने आंैलाहरुको कम्पन पनि बडाईदिएको छ । शरिरमा रक्तसञ्चार अनि श्वास पनि लामो लामो फेरीरहेको छु । अहिले म भएको पार्कमा जतिपनि छन् सबै मायाका जोडीहरु छन् म त केबल एक्लो बर बनिरहेको छु तर मेरो साथमा तिम्रो याद यति हाबि भएको छ कि त्यो कुराको महसुस साथमै भएका प्रेमील जोडीहरुले गर्न सकिरहेका छैनन् ।

आज म किन डराई रहेछु त्यो पनि थाहानै छैन खुशी । तिम्रो त नामै खुशी छ तीमी त सँधै खुशी रहन्छौ होला तर आज यो पत्र लेख्दै गर्दा तिमि सँग डराईरहेको यो मान्छे तिमि बिना एक धड्कनको पनि कल्पना गर्न सकिरहेको छैन डियर । तिमि सँग कसरी नजिक भए म त्यो त तिमि आफै जान्नु किनकी मायाको अभाब मलाई थियो तर प्रभाब तिमिले पारेकी थियौ । तिमीले बोलेका हर शब्दमा मिठासको आभास मिल्छ तिमिले चाल्ने हर पाईलामा गन्तब्यको लक्ष्य भेटीन्छ अनि तिमिले गर्ने हर ब्यबहारमा आत्मियताको रारा अनि फेवा भेटिन्छ । तिमिले फेर्ने हर श्वासमा मैले मेरो जीवन भेटेको हुन्छु, अनि तिमिले हास्ने हर मुस्कानमा मैले मेरो खुशी भेटेको हुन्छु ।

जव तिमि थोरै पनि निराश देख्छु मेरो मुटुमा बैशाख १२ चल्छ अनि त्यही बिचमा तिमी हाँसेर समिप आईदिन्छौ नि तब त्यो कालो बादल हटिदिन्छ र सफा भई दिन्छ सबै । अनि तिम्रो मुस्कानमा म पनि थोरै हासेर तिमि लाई थप खुशी देख्ने बाहानामा दाँत देखाईदिन्छु । तिमि नि मेरो दातको बयान गर्न शुरु गर्थौ नि है । याद छ तिमिलाई खुशी यी सबै कुरा ? भन त खुशी यो सबै कुरामा माया छ कि छैन ? प्रेम छ कि छैन ?

खुशी आज खै मलाई केही भएको महसुस गरीरहेको छु । शब्दहरु यतिधेरै छन् तर निकै अड्कलेर लेख्नुपरे जस्तो अनुभुति गरीरहेको छु । तिमिले मलाई घण्टौ कुरेर मेरो प्रतिक्षा गरेका ति दिनहरु याद गर त म तिम्रो सामु आईपुग्दा तिम्रो ओठमा कति खुशीको बर्षात सुरु हुँन्थ्यो । नेपालमा राजनितिक आन्दोलनले बन्द हुँदा गाडी चलेका थिएनन् तर तिमि घण्टौ लामो पैदलयात्रा गरेर खुट्टामा घाउ बनाएर भएपनि मलाई भेट्न आउँथ्यौ र बेलुका भन्ने गथ्र्यौ हेर त म तिमिलाई भेट्न आउँदा मेरो यो हालत भनेर घाउ देखाउँथ्यौ । म भन्थे किन आएको त ? तिमि हास्दै भन्ने गर्थौ तिम्रा लागी यो भन्दा ठुलो चोट सहन सक्छु । तिमिले यसो भनिरहँदा मेरो खुशकिो सीमा कहाँ सम्म फैलिन्थ्यो त्यो मलाई नै थाहा हुन्न थियो ।

खुशी ति पुराना दिनहरुलाई आज यो समुन्द्री किनारबाट फर्केर हेरीरहेको छु । मलाई तिमिले कुरेर बसेका ति दिनहरु सम्झिरहेछु । तिमिले पर्खेर बसिरहदा अनि म ढिला आउँदा तिमिले गर्ने गाली अनि आधा घण्टा सम्म लगाएर फकाउने मोरो काम । कान समाएर सरी भन्दा तिमिले मेरो नाक समाएर नट्टी ब्वई भनेर मलाई माफी दिएर खिस्स हाँसेका ति दिन हरु आँखा वरीपरी घुमिरहन्छन । चिसोको मौसमको बेला दुबै जना ईअर फोन लगाएर तिम्रै मफलरले कान छोपेर गित सुनेर बसेका दिनहरु याद आउँछ तिमिलाई ? के त्यो प्रेम थिएन ? हुनत मैले तिमिलाई बुझन सकिन वा तिमिले मलाई हामी बीच यति धेरै माया हुँदा हँदै पनि हामी प्रेममा जान नसक्नु लाई के भनेर बुझौ म ?

प्रिय खुशी मलाई यो पत्र लेखिरहँदा एउटै कुराको चिन्ताले सताईरहेको छ । तिमिले यो मेरो प्रेमील पत्र पढीसकेपछि तिम्रो प्रतिक्रिया के आउँनेछ भनेर । हुनत मैले तिमिलाई ति दिनहरुमा पनि तिमि मेरो मात्रै हो है खुशी भनेर भन्थे । तर तिमिले त्यो कुरालाई मैले जिस्क्याएको जस्तो ठानेर म त अरुकै हुँने हो भनेर भन्थ्यौ के तिमि साँच्चै अरुकै हुँने हौ ? यो प्रश्नले दिने उत्तरको ब्यग्र प्रतिक्षामा छु । मैले यो उत्तरको पर्खाई गरीरहँदा कतै तिमि अरु कसैसँगको सम्बन्धमा त छैनौ नि ? त्यो पनि मेरो अर्को ब्यग्र प्रतिक्षाको जवाफ हँुनेछ खुशी । सायद यो पत्र तिम्रो नाममा पठाएपछि त मेरो निदहराम ब्रत सुरु हुँन्छ होला । के गरु कसो गरुले गर्दा मेरो धड्कनको तिब्रताले मलाई मसानघाट नपु¥याउदै जवाफ देउ है खुशी ।

मायामा मान्छेहरु पागल हुन्छ्न रे आँखा देख्दैनन् रे अनि अरु के के हुन्छ रे आज त्यो सबै मलाई भएको छ । तर म मायामा पागल भएपनि तिमीलाई पाउँन नसकेपनि तिमिलाई एसिड हान्न आउने पे्रमि बन्ने छैन खुशी । तिम्रो सुन्दरता र मौनता लाई मेरो मनको संग्राहालयमा संग्रहित गर्नेछु । तिम्रो सुन्दरता र चंचलातानै मेरो आँखाका लागी न्याय हो खुशी । एउटा कुरा यत्ति याद गर्नु तिमिले फेर्ने श्वास मेरो जीवन हो त्यसैले म बाँच्नको लागी तिमि बाँच्नु पर्छ । तिमी नहुँदा मैले फेर्ने श्वासनै हँदैन खुशी ।  अन्त्यमा फेरीपनि तिमिलाई मायाका सौगातहरु सुम्पिदै प्रेमले भरिएको यो दिन प्रेम गर्नेहरुको यो दिनको शुभकामना खुशी । चन्द्रमा जस्तो त्यो मुहारमा मेरो प्रेम पत्रले औशीको रात होईन जीवनभरको साथको सुरुवात गरोस ।

उहि तिमीलाई मात्र माया गरीरहने तिम्रो नट्टी ब्वई

भरतपुर ७ चितवन,  हाल दोहा कतार

1298 पटक पढिएको
Loading...

प्रतिक्रिया दिनुहोस

NIC Asia below taja khabar
Bajaj below taja samachar
RITZ sports right side Below samsung cement health right side Samsung health right side Samsung health right side bottom