मोदीको भ्रमणलाई समग्र जनताले विरोध गरे भन्ने अर्थमा बुझ्नु हुँदैन

शनिबार, बैशाख २९, २०७५



- प्रा.डा. लोकराज बराल

भारतीय प्रधानमन्त्री नरेन्द्र मोदीको राजकीय भ्रमण एकदमै सफल भएको छ । यसलाई सकारात्मक दृष्टिकोणमा लिनुपर्छ । विगतमा नेपाल र भारतबीच देखा परेका तुसहरू मेटाउने काम भएको छ । दुई देशबीचमा देखा परेका असमझदारीहरूको अन्त्य भएको छ । कमिकमजोरीकोे मूल्याङकन भएको छ । यो भ्रमणले नेपाल भारत सम्बन्ध अझ प्रगाढ बन्दै जानेछ ।

सामाजिक सञ्जालले देशको प्रतिनिधित्व गर्दैन
सामाजिक सञ्जालमा आलोचना हुनु कुनै अनौठौ र नयाँ कुरा होइन । फेसबुकमा लेखेको कुराले राष्ट्र बन्दैन । हामीले राम्रो र सकारात्मक दृष्टिकोणमा भ्रमणलाई लिनुपर्छ । सामाजिक सञ्जालमा सामान्य ५ प्रतिशत जनताले आक्रोस व्यक्त गरे होलान । त्यसैलाई समग्र जनताले विरोध गरे भन्ने अर्थमा बुझ्नु हुँदैन । यसले राम्रो सन्देश पनि जादैन ।
विजेपीका एक नेताले भनेको कुरालाई धेरै अर्थ लगाउनु पनि आवश्यक छैन । नेपालका कतिपयले पनि दार्जिलिङ र सिक्किम पनि त नेपालमा गाभ्नुपर्छ भन्दै आएकै छन् । यसैले यसलाई सामान्य रुपमा लिनुपर्छ ।

सरकारहरूबीच समन्वय अभाव
प्रदेश २ का मुख्यमन्त्रीको अभिव्यक्तिमा भारत सरकारको कुनै दोष छैन् । मधेसीहरूकै कारणले सम्बन्धमा दरार आएको थियो । देशमा तीन तहको निर्वाचन सम्पन्न भइसकेको छ । मधेसीहरू पनि सरकारमा छन् । उनीहरूले राखेको गुनासोमा केन्द्र सरकार र प्रदेश सरकारको समन्वयको अभाव मात्रै हो । यसबारे भारतीय प्रधानमन्त्री मोदीले बोल्ने कुरै हुँदैन । उनीहरुकै कारणले सम्बन्धमा खटपट भएको थियो । यसको आलोचनामा भारतलाई वीचमा ल्याउनु हुँदैन ।

लाखौ मानिसद्वारा भव्य स्वागत
मोदीको भ्रमणलाई जनस्तरबाट समेत व्यापक रुपमा स्वागत भएको छ । मधेसमा पनि जनताहरूको स्वागतको मास हेरौं । मुक्तिनाथ जस्तो हिमाली ठाउँमा पनि कुनै कमि देखिएन । पशुपति नाथमा र राष्ट्रिय सभा गृहमा समेत मान्छेको चाप निकै थियो । यसलाई हेर्दा स्वागतको कमि भएको लाग्दैन । भ्रमण धार्मिक मात्रै हैन बिग्रेको सम्बन्धमा सुधार ल्याउन पनि महत्वपूर्ण रह्यो । राजनीतिक सुधार र सहयोग पनि प्राप्त भयो ।

(पूर्व राजदूत समेत रहेका विश्लेषक प्रा.डा. बरालसँग नेपालपाटी डटकमका लागि भूपेन्द्र शाह ठकुरीले गरेको कुराकानीमा आधारित)

227 पटक पढिएको
Loading...

प्रतिक्रिया दिनुहोस

Powered by Facebook Comments

janta bank Janata Bank Janata Bank