सरकारी गाडिमाथी गरिएको आगजनी गल्ती थियो, माफ पाउँ !

loading...

बिहिबार, पुस २१, २०७३

- दिलुु पन्त



युवा संघ नेपाल नेपाली युवाहरुको ढुकढुकी हो । आशा र भरोसाको केन्द्र पनि हो र हुनुपर्छ । तर, अहिले राष्ट्रिय राजनीतिले सही बाटो नलिएका बेला युवा संघ पनि कतै रुमलिएको होकी जस्तो देखिएको छ । यही बेला युवा संघ शोकको घडीमा छ ।

युवा संघ संधै तोडफोडको विरुद्धमा छ:
रुपन्देहीमा युवा संघका अध्यक्ष दुर्गा तिवारीको हत्या युवा संघलाई मर्माहत त बनाएको छ कानुनी रुपमा त्यसको बदला लिनुपर्ने चुनौती थपिएको छ । लामो समयसम्म ज्यानको संकटमा रहेको जानकारी पाउदा पाउँदै पनि प्रशासनले सुरक्षा दिन नसक्नुले नेपाली युवाहरुको सुरक्षा माथि नै प्रश्न खडा गरेको छ । शोक, चुनौतीका बीचमा अहिले युवा संघमा आवद्ध युवाहरु आक्रोशमा पनि छन् । त्यही आक्रोशको निशानीमा केही दिन अघि सरकारी गाडी परेको छ ।

सन्दर्भ र ठाउँ नमिल्ने ठाउँमा घटना भएको छ । युवा संघ नेपाल जहिले पनि बन्द, तोडफोड आगजनीको विरुद्धमा छ । त्यसै अनुसारको नीति पनि बनाएको छ । जुन विधान युवा संघले बनायो,  त्यही विधान विपरित केही जिम्मेवार नेताहरुको संलग्नतामा बानेश्वरमा सरकारी गाडीमाथि आगजनि हुनुले युवा संघलाई नै लज्जित बनाएको छ । म युवा संघको तर्फबाट त्यो घटनाका विषयमा क्षमा माग्न चाहान्छु ।

तर युवा संघका पदाधिकारीसहितको घटना भएकाले युवासंघले जिम्मेवारी लिनुपर्छ । सँगै त्यसको घटनाको वास्तविकता, युवा संघको नीति, निर्णय र नेतृत्वको निर्देशन विपरित त्यो घटना कसरी भयो ? त्यसको खोजी पनि गरिनुपर्छ हामी गछौ ।

सिंगो एमाले बदनाम हुन सक्छ
हरेक व्यक्ति वा संस्थालाई एउटा घटनाले पाठ सीकाउने गर्छ । अब त्यस्ता घटना हुन नदिनका निम्ति युवा संघले विषेश भूमिका खेल्नुपर्नेछ । कानुनी राज्य स्थापित गर्नुपर्छ भन्ने लडाईमा लागेको युवा संघ आफै गैरकानुनी तोड–फोडमा लाग्नु हुँदैन । दुर्गा तिवारीलाई सहिद घोषणा गर्न स्थानिय प्रशासनले सिफरिस गरेको छ ।

त्यसमा अब दवाव बढाउनुपर्छ । खुलेयाम चुनौती दिने हत्यारालाई पक्राउ गर्न सकिएको छैन, तत्काल पक्राउ गरेर कारावाही गर्नुपर्छ । हाम्रो दवाव त्यसमा हुनुपर्छ । राज्यले कानुन सम्मत ढंगले अगाडी बढेन भने खबरदारी गर्नुपर्छ । आफु कानुनभित्रै रहेर शान्तिपूर्ण दवाव अभियानमा लाग्नुपर्छ ।

कहिलेकाँही घटना घट्छ ।  निर्णयपछि हुन्छ त्यसलाई युवासंघको नीतिका रुपमा बुझ्नु हुन्न । त्यो घटनामा घुसपैठ छकी ? जो साथीहरु संलग्न भए ती साथीहरुले गाडी जलाउने काम किन गरे ? त्यसको समिक्षा र खोजीमा युवा संघ लागि रहेको छ । यदी त्यो घटना अराजक नै हो भन्ने निस्कर्ष निस्कियो भने ती साथीहरुले कारवाही भोग्नुपर्छ ।

नीति, विधान नेतृत्वको चेन अफ कमाण्डमा अगाडी बढ्न सकेन भने युवा संघ अराजक दस्ताका रुपमा परिणत हुन जान्छ ।
युवासंघमा रहेका आम युवाहरु देशको राजनीतिलाई मूल बाटोमा हिडाउन खोजेको नेकपा एमालेका कार्यकर्ता पनि हुन् । एक जना युवाले गलत गरे मात्रै भनेपनि सिंगो एमाले जोडिन सक्छ ।

त्यसमा हरेक युवाले सचेततापूर्वक सोच्नुपर्छ । राष्ट्रभन्दा माथि पार्टी छैन, पार्टीभन्दा माथि त्यो पार्टीको नेता कार्यकर्ता कोही पनि छैन र हुँदैन । कुनै एउटा घटनालाई लिएर रगतको बदला रगत भन्ने हो भने नीति, विधी कानुन किन चाहियो ?

शुद्धिकरण कहिले गर्ने ?
१७ महिना भयो, युवासंघको बैठक बस्न सकेको छैन । युवाहरुको बीचमा स्वयम् नेता घोषणा गर्ने मनोवृति पनि पलाएको छ । अब समिक्षा गरेर नयाँ बाटो तय गर्नुपर्छ । त्यो नयाँ बाटो तय गर्न संमग्र युवाहरुका संगठनबीचमा युवाहरले युवा संघलाई कुन रूपमा बुझेका छन् ? यसका गतिविधीलाई कसरी लिएका छन् ? नागरिकको  सुझाव के छ ? अब कसरी अगाडि बढोस् भन्ने चाहन्छन् ? यस्तै कुराको चिन्ता गहिरो मन्थन गर्नुपर्छ ।

अब पार्टीमा कुन नेताको फेरो समाएर कसको उतराधिकारी को ? भन्ने फगत अनावश्यक प्रतिस्पर्धा चल्ने गर्छ । युवासंगठन आम युवा र राज्यसत्ताबीचको पुल बन्नुपर्छ । अहिलेपनि हरेक दिन झण्डै २ हजार युवा विदेशी रहेका छन् । लाखौ युवा बाहिर छन् ।

स्वदेशमा भएका युवाहरु अलमलमा छन् । यस्तो बेला सबै नेपाली युवाहरको जनताको भाग्य र भविष्य बोक्ने चक्काको रुपमा युवा संघ रुपान्त्रण हुनुपर्छ । अहिले पनि नगरे आफुले आफैलाई सुद्धिकरणको चिन्ता कहिले गर्ने ?

पन्त युवा संघ नेपालकी उपाध्यक्ष हुन ।

6133 पटक पढिएको
Loading...

प्रतिक्रिया दिनुहोस

NIC Asia below taja khabar
Bajaj below taja samachar
RITZ sports right side Below samsung cement health right side Samsung health right side Samsung health right side bottom